គោលការណ៍​គ្រឹះ​របស់សាសនា ​គឺ​សុខដុមរមនា​

លោក មិន ឃិន និងលោកស្រី ជាអធិបតីក្នុងពិធី

ថ្ងៃទី០៥ ខែមេសា ឆ្នាំ២០១៥
ភ្នំពេញៈ សាសនាទាំងអស់មានការរីកចំរើនគួរជាទីមោទនៈដែលជាមូលដ្ឋានគ្រឹះនៃវប្បធម៌សន្តិភាពដូចមានបញ្ញាត្តិក្នុងគោលលទ្ធិនៃសាសនានីមួយៗនិងប្រកាន់ខ្ជាប់នូវគោលជំនឿសាសនារៀងៗខ្លួនដែលជាមាគ៌ារនៃសច្ចធម៌របស់សាសនានីមួយៗដើម្បីនាំមនុស្សជាតិឲ្យទទួលបាននូវសេចក្តីសុខ សុភមង្គល ប្រកបដោយសាមគ្គីភាព និងរស់នៅដោយសុខដុមភាពជាមួយគ្នាក្នុងសង្គមកម្ពុជា។ នេះជាការអះអាងរបស់លោក មិន ឃិន រដ្ឋមន្ត្រីក្រសួងធម្មការនិងសាសនានិងជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលបានថ្លែងក្នុងកម្មវិធី បុណ្យព្រះយេស៊ូមានព្រះជន្មរស់ ដែលរៀបចំឡើងដោយសហគមន៍គ្រីស្ទបរិស័ទកម្ពុជាកាលពីរសៀលថ្ងៃទី០៥ ខែមេសា ឆ្នាំ២០១៥ នៅសាលមហោស្រពកោះពេជ្រ។ និងមានព្រះវត្តមានចូលរួមពីសំណាក់សម្តេចព្រះអភិសិរីសុគន្ធាមហាសង្ឃរាជាធិបតីកិតិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជនៃគណៈធម្មយុត្តិកនិកាយ សម្តេចព្រះមហាសុមេធាធិបតី នន្ទ ង៉ែត សម្តេចព្រះសង្ឃនាយកនៃព្រះរាជាណាចក្រកម្ពុជា និងថ្នាក់ដឹកនាំសាសនាឥស្លាម ប្រមាណជាង៤ពាន់អង្គ នាក់។

អានបន្ត​៖គោលការណ៍​គ្រឹះ​របស់សាសនា ​គឺ​សុខដុមរមនា​

មហាសង្ក្រាន្ត ឆ្នាំមមែ សប្ដស័ក

មហាសង្ក្រាន្ត 2015

មហាសង្ក្រាន្ត

ឆ្នាំមមែ សប្ដស័ក

ចុល្លសករាជ១៣៧៧ មហាសករាជ១៩៣៧

ពុទ្ធសករាជ២៥៥៩ គ្រិស្តសករាជ២០១៥

សុភមស្តុ ! វរមង្គលាជយាតិរេក

ព្រះពុទ្ធសករាជព្រះសាសន អតិក្កន្តាកន្លងទៅហើយបាន២៥៥៨ ត្រឹមថ្ងៃ១៥កើត ខែពិសាខ លុះដល់ថ្ងៃ១រោច ខែពិសាខ ឆ្នាំមមែ សប្ដស័ក តទៅចូលពុទ្ធសករាជ២៥៥៩។

 

នឹងគណនាឆ្នាំមមែឥឡូវនេះសង្ក្រាន្តចូលមកនៅថ្ងៃអង្គារ ១១រោច ខែចេត្រ ត្រូវនឹងថ្ងៃទី១៥ ខែមេសា គ..២០១៥ វេលាម៉ោង១៤ និង០២នាទី។ ពេលនោះព្រះអាទិត្យចេញពីមីនរាសីទៅឋិតនៅឯមេសរាសីតាមផ្លូវគោវិថី គឺផ្លូវកណ្ដាល ទើបមានទេពធីតាមួយព្រះអង្គជាមគ្គនាយិកាព្រះនាម រាគ្យសៈទេវី ជាបុត្រីទី៣ នៃកបិលមហាព្រហ្ម គង់នៅចាតុម្មហារាជិកា ទ្រង់អម្ពរពណ៌ ខ្មៅ លម្អនៅព្រះកាណ៌ដោយសៀតផ្កា ឈូក អាភរណៈទ្រង់ពាក់កែវ មនោរា ភក្សាហារទ្រង់សោយ លោហិត ព្រះហស្តស្ដាំទ្រង់ ត្រីសូល៍ ព្រះហស្តឆ្វេងទ្រង់ ធ្នូ ទ្រង់គង់លើខ្នង អស្សតរ(សេះ) ជាពាហនៈ។ ទើបនាំអស់ទេវបុត្តទេពធីតាទាំងមួយសែនកោដិហោះទៅកាន់គុហាកែវធម្មមាលីនា ទីភ្នំកៃលាសខេត្តហេមពាន្ត ជាទីតម្កល់ទុកនូវព្រះសិរសា កបិលមហាព្រហ្ម ដែលតម្កល់លើពានមាសនាំមកដង្ហែប្រទក្សិណភ្នំព្រះសុមេរុរាជ តាមផ្លូវព្រះអាទិត្យចរចំនួន៦០នាទី (២៤ម៉ោង)។ ទើបនាំយកទៅតម្កល់ទុកកន្លែងដើមវិញ ហើយប្រជុំទេវបុត្តទេពធីតាទាំងមួយសែនកោដិចូលទៅស្រង់ទឹក អនោតត្តមហាស្រះ ដែលមានទឹកហូរចេញពីបំពង់ថ្ម កែវ ដែលជាមាត់គោឧសភរាជទាំង៧ត្រជាក់ក្សេមក្សាន្តព្រះរាជហឫទ័យ ហើយនាំគ្នាចូលទៅសមាទានរក្សាសីលដោយសោមនស្សរីករាយគ្រប់ព្រះអង្គ ក្នុងភគវតីសភាសាលាដែលវិស្សកម្មទេវបុត្តនិមិត្តថ្វាយ ដើម្បីបន្ទោបង់អពមង្គលឲ្យជ្រះស្រឡះហើយចម្រើននូវសិរីសួស្ដី ជ័យមង្គលជន្មាយុយឺនយូរ ដល់ទេវតា និងមនុស្សសត្វផងទាំងឡាយ តាំងពីឆ្នាំថ្មីចូលមកនេះ បានទូលំទូលាយសុខក្សេមក្សាន្តតរៀងទៅ។

អានបន្ត​៖មហាសង្ក្រាន្ត ឆ្នាំមមែ សប្ដស័ក

ប្រតិភូសង្ឃកូរ៉េខាងត្បូងចូលជួបសវនាកាជាមួយរដ្ឋមន្ត្រីក្រសួងធម្មការ

លោក មិន ឃិន ប្រគល់វត្ថុអនុស្សាវរីយជូនសម្តេចសង្ឃប្រធានប្រតិភូ ហ៊ី យូសាង សម្តេចសង្ឃគណ៖ថ្នាក់ទី២

ថ្ងៃទី៣១ ខែមីនា ឆ្នាំ២០១៤
ភ្នំពេញៈ ព្រឹកថ្ងៃទី៣១ ខែមីនា ឆ្នាំ២០១៥ នាទីស្តីការក្រសួង លោក មិន ឃិន រដ្ឋមន្ត្រីក្រសួងធម្មការនិងសាសនាអនុញ្ញាតិឲ្យប្រតិភូសង្ឃកូរ៉េខាងត្បូងដឹកនាំដោយសម្តេចព្រះសង្ឃប្រធានប្រតិភូ ហ៊ី យូសាង សម្តេចសង្ឃគណៈថ្នាក់ទី២ ចូលជួបសម្តែងការគួរសមនិងពិភាក្សាការងារ ។

អានបន្ត​៖ប្រតិភូសង្ឃកូរ៉េខាងត្បូងចូលជួបសវនាកាជាមួយរដ្ឋមន្ត្រីក្រសួងធម្មការ

​វត្ត​អារាម​ជា​ថ្នាល​បណ្ដុះ​សីលធម៌​និង​គុណធម៌

លោក មិន ឃិន និងលោកស្រីអញ្ជើញជា អធិបតីក្នុងពិធីសម្ពោធ

ថ្ងៃទី២៧ ខែមីនា ឆ្នាំ២០១៥
តាកែវៈ ព្រះពុទ្ធសាសនាគឺជាមូលដ្ឋានគ្រឹះនៃវប្បធម៌ជាតិ សីលធម៌ គតិបណ្ឌិត វិថីជីវិត ដើម្បីជួយដល់ប្រជា ជនឲ្យមានជីវិតរុងរឿង សាមគ្គីធម៌ ភាតរភាត សុខុមាលភាព អភិវឌ្ឍសង្គមតាមរយៈវិធានការអប់រំអំពី សីល សមាធិនិងបញ្ញា។ នេះជាការលើកឡើងពីសំណាក់ លោក មិន ឃិន រដ្ឋមន្ត្រីក្រសួងធម្មការនិងសាសនាដែលបានអញ្ជើញជាអធិបតីក្នុងពិធីកាត់ខែ្សបូរសម្ពោធសមិទ្ធិផលនានាក្នងពុទ្ធសីមាវត្តពោធិអំពិល ស្ថិតនៅភូមិពោ ឃុំ សំបួរ ស្រុកទ្រាំង ខេត្តតាកែវ កាលពីព្រឹកថ្ងៃទី២៦ ខែមីនា ឆ្នាំ២០១៥។

អានបន្ត​ ៖​វត្ត​អារាម​ជា​ថ្នាល​បណ្ដុះ​សីលធម៌​និង​គុណធម៌

លោក មិន ឃិនៈ ព្រះសង្ឃ អាចារ្យ អាចារិនី និងពុទ្ធបរិស័ទជាធាតុដ៏សំខាន់មិនអាចខ្វះបាននៅក្នុងព្រះពុទ្ធសាសនា

លោក មិន ឃិន ប្រគល់សេចក្តីសំរេចជូនដល់ថ្នាកដឹកនាំអនុសាខាសមាគមអាចារ្យខ្មែរស្រុកៀនស្វាយ

ថ្ងៃទី២៤ ខែមីនា ឆ្នាំ២០១៥
កណ្តាលៈ ដើម្បីរក្សាឲ្យបាននូវប្រពៃណីពីបុរាណកាលនិងសម័យកាលនេះឲ្យបានគង់វង្សគឺទាមទាឲ្យមានការចូលរួមយ៉ាងសស្រាក់សស្រាំពីយើងទាំងអស់គ្នា ជាពិសេសផ្តោតទៅលើ ប្រតិបត្តិកររឹងមុំា នោះព្រះពុទ្ធសាសនាក៏រឹងមាំ តាអាចារ្យរឹងមាំ ព្រះពុទ្ធសាសនាក៍រឹងមាំ ។ ការលើកឡើងបែបនេះស្របពេលមន្ទីរធម្មការនិងសាសនាខេត្តកណ្តាលរៀបចំពិធីប្រកាសទទួលស្គាល់ថ្នាក់ដឹកនាំសាខាអនុសាខាសមគមអាចារ្យខ្មែរ ប្រព្រឹត្តឡើងក្រោមអធិបតីភាព លោក មិន ឃិន រដ្ឋមន្ត្រីក្រសួងធម្មការនិងសាសនានិងលោកស្រីជាភរិយា ងួន ធួន កាលពីរសៀលថ្ងៃទី២៣ ខែមីនា ឆ្នាំ២០១៥ និងមានអាចារ្យ អចារិនីចូលរួមចំនួន៦២១នាក់។

អានបន្ត​ ៖ លោក មិន ឃិនៈ ព្រះសង្ឃ អាចារ្យ អាចារិនី...

Flag Counter