ពុទ្ធសាសនបណ្ឌិត្យ

សិក្ខាសាលា ស្តីពីតួនាទីស្រ្តីក្នុងសាសនានិងសង្គម

ព្រឹកថ្ងៃសុក្រ ៣កើត ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ២៩ ខែវិច្ឆិកា ឆ្នាំ២០១៩ លោកជំទាវ ទូច សារ៉ុម រដ្ឋលេខាធិការតំណាងដ៏ខ្ពង់ខ្ពស់ឯកឧត្តម ទេសរដ្ឋមន្រ្តី ហ៊ឹម ឆែម រដ្ឋមន្រ្តីក្រសួងធម្មការនិងសាសនា បានអញ្ចើញជាអធិបតីភាពក្នុងកម្មវិធីសិក្ខាសាលា ស្តីពីការអនុវត្តន៍ផែនការយុទ្ធសាស្ត្រ និងការអនុវត្តន៍ ទិសដៅបញ្រ្ជាបយេនឌ័រ ឆាំ្ន ២០១៩ ក្រោមប្រធានបទ "តួនាទីស្រ្តីក្នុងសាសនានិងសង្គម" នៅសាលាខេត្តកំពង់ចាម។ ក្នុងនាមឯកឧត្តមទេសរដ្ឋមន្ត្រី លោកជំទាវរដ្ឋលេខាធិការ សូម សម្តែងនូវការកោតសសើរ ចំពោះក្រុមការងារសាសនាខេត្តកំពង់ចាម មន្ទីរធម្មការនិងសាសនា ស្ថាប័នពាក់ព័ន្ធនានា ឯកឧត្តម លោកជំទាវ អស់- លោក លោកស្រី និងអង្គពិធីទាំងមូលដែលបានសហការគ្នា រៀបចំសិក្ខាសាលានេះឱ្យទទួលបានជោគជ័យ  គួរជាទីមោទនៈ។ ខ្ញុំសូមអំពាវនាវដល់គ្រប់ មេដឹកនាំសាសនាទាំងអស់នៅកម្ពុជា មេត្តាគោរពប្រតិបតិ្ត តាម ធម៌វិន័យសាសនារៀងៗខ្លួននិងច្បាប់របស់រដ្ឋរួមចំណែក អប់រំផ្សព្វផ្សាយដល់បរិស័ទរបស់ខ្លួន ឱ្យមាន ភាព សុខដុមរម្យនាក្នុងសង្គមតាមរយៈសាសនា។ ឆ្លៀតឱកាសនោះផងដែរ លោកជំទាវរដ្ឋលេខាធិការ បានមានប្រសាសន៍ថា ចំពោះការប្រព្រឹត្តទៅ របស់សិក្ខាសាលានាពេលនេះ ដែលបានចូលរួមចំណែកអភិវឌ្ឍជាតិ ស្របតាមគោលនយោបាយជាយុទ្ធសាស្រ្ត របស់រាជរដ្ឋាភិបាលដំណាក់កាលបន្ត ក្នុងការបញ្រ្ជាប គោលនយោបាយ កម្មវិធីនិងវិស័យនានា ដោយផ្តោតទៅលើការ បង្កើតភាពអង់ អាចក្លាហានដល់ ស្រ្តីចូលរួម ក្នុងវិស័យ សេដ្ឋកិច្ច ផ្លូវច្បាប់ និងការធ្វើ សេចក្តីសម្រេចនៅក្នុងវិស័យសាធារណៈ។ ក្រុមការងារក្រសួងធម្មការ និង សាសនា ដែលជាស្ថាប័នរដ្ឋបានបំពេញកាតព្វកិច្ចលើវិស័យសាសនា ដោយមានភារកិច្ចជួយជ្រោមជ្រែង ដល់ការគាំពារ និងលើកតម្កើងសមភាពយេនឌ័រ ក្នុងសង្គម ក្រោមការដឹកនាំរបស់រាជរដ្ឋាភិបាលកម្ពុជា ដែល មាន សម្តេចអគ្គមហាសេនាបតីតេជោ ហ៊ុន សែន ជាប្រមុខរាជរដ្ឋាភិបាល មានទស្សនៈ ទូលំទូលាយ ប្រកបដោយគតិបណ្ឌិតក្នុងការដឹកនាំជាតិ បាននឹងកំពុងធ្វើការអភិវឌ្ឍជាតិ យ៉ាងយកចិត្តទុកដាក់ខ្ពស់ ដើម្បីលើក កម្ពស់ ជីវភាពប្រជាពលរដ្ឋកម្ពុជា សំដៅកាត់បន្ថយ និងឈានទៅរកការឆ្លងផុតពីបន្ទាត់ក្រីក្រដល់ដំណាក់កាលជីវភាពមធ្យមក្នុងឆាំ្ន២០៣០ ក្នុងគោលបំណង លើកកម្ពស់សិទ្ធិសេរីភាពដោយសមធម៌ ស្រ្តីនិងបុរស មានសិទ្ធិស្មើគ្នា មានការងារស្មើគ្នា ទទួលផលស្មើគ្នា ។ លោកជំទាវរដ្ឋលេខាធិការ បានមានប្រសាសន៍បន្តទៀតថា ការខិតខំប្រឹងប្រែងគ្រប់លទ្ធភាពរបស់ស្រ្តី ដើម្បីរួមចំណែកអភិវឌ្ឍន៍សង្គម និងលើកកំពស់ជីវភាពរស់នៅ ដោយគ្មាន លក្ខខណ្ឌចូលរួមក្នុងវិស័យនយោបាយ  សង្គម សេដ្ឋកិច្ច ចូលរួមជាសកល ក្នុងការសំអាត និងថែរក្សាបរិស្ថាន បន្តចូលរួមអប់រំសុខភាព សីលធម៌ ផ្លូវចិត្ត និងផ្តល់ការអប់រំជំនាញ សមត្ថភាពការ ឧបត្ថម្ភនិងលើកទឹកចិត្តដល់ស្រ្តី ទាំងផ្នែកស្មារតីនិងសំភារៈ អភិរក្សវប្បធម៌ អក្សរសាស្រ្ត ប្រពៃណី សំណង់ បែបអត្តញ្ញាណជាតិ ផ្តល់កន្លែងជ្រកកោណសុវត្ថិភាពដល់ ប្រជាពលរដ្ឋក្នុងពេលមានគ្រោះ អាសន្ន ដូច ជា គ្រោះធម្មជាតិ និងកម្មវិធីសង្គមនានា ផ្សព្វផ្សាយគោលការណ៍សន្តិភាព សណ្តាប់ធ្នាប់សង្គម អហឹង្សា និងគោរពច្បាប់ រួមគ្នាគ្រប់ក្រុម គ្រប់ជាន់ថ្នាក់ក្នុងស្មារតីភាតរភាព ចូលរួមក្នុងសកម្មភាព ជាតិ និងអន្តរជាតិ ការផ្សព្វផ្សាយតាមរយៈបណ្តាញសារពត៌មាន អប់រំពីផលលំបាកនៃការចំណាកស្រុករួម ចំណែកទប់ស្កាត់មិនឱ្យមានទំនាស់គ្រប់ទីកន្លែង។

Read more: សិក្ខាសាលា ស្តីពីតួនាទីស្រ្តីក្នុងសាសនានិងសង្គម

ឯកឧត្តមទេសរដ្ឋមន្ត្រី បានអញ្ជើញជាអធិបតីក្នុងពិធីបើកការប្រឡងសូត្របាតិមោក្ខ សម្តែងធម៌ទេសនា និងសូត្រធម៌បទ នៅអគ្គាធិការដ្ឋានពុទ្ធិកសិក្សាជាតិ

ព្រឹកថ្ងៃព្រហស្បតិ៍ ២កើត ខែមិគសិរ ឆ្នាំកុរ ឯកស័កលោក ព.ស.២៥៦៣ ត្រូវនឹងថ្ងៃទី ២៨ ខែវិច្ឆិកា ឆ្នាំ២០១៩ ឯកឧត្តម ហ៊ឹម ឆែម ទេសរដ្ឋមន្ត្រីរដ្ឋមន្ត្រីក្រសួងធម្មការនិងសាសនា បានអញ្ជើញជាអធិបតីរួមជាមួយសម្ដេចព្រះសង្ឃនាយករងនៃព្រះរាជាណាចក្រកម្ពុជា សម្តេចព្រះអគ្គាធិការរង ក្នុងកម្មវិធីប្រឡងសូត្របាតិមោក្ខ ធម្មទេសនា និងសូត្រធម៌បទ ដែលមានបេក្ខជនសរុបចំនួន ៦៩អង្គ/នាក់ នៅអគ្គាធិការដ្ឋានពុទ្ធិកសិក្សាជាតិ ។ ឆ្លៀតក្នុងឱកាសដ៏មានតម្លៃនេះ ឯកឧត្តមទេសរដ្ឋមន្ត្រី បានពាំនូវការផ្តាំផ្ញើសួរសុខទុក្ខ និងការនឹករលឹកពី សម្តេចវិបុលសេនាភក្តី សាយ ឈុំ  ប្រធានព្រឹទ្ធសភា នៃព្រះរាជាណាចក្រកម្ពុជា សម្តេចពញាចក្រី ហេង សំរិនប្រធានរដ្ឋសភា នៃព្រះរាជាចក្រកម្ពុជា ប្រធានកិត្តិយសគណបក្សប្រជាជនកម្ពុជា និងជាសមាជិកគណៈអធិបតីកិត្តិយស ក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាប្រគេន-ជូន សម្តេចព្រះសង្ឃនាយករង សម្តេចព្រះអគ្គាធិការ សម្តេចព្រះអគ្គធិការរងព្រះរាជាគណៈ ព្រះថេរានុត្ថេរៈគ្រប់ព្រះអង្គ ឯកឧត្តម លោកជំទាវ អស់លោក លោកស្រី ។ ក្នុងឱកាសនេះផងដែរ ឯកឧត្តមទេសរដ្ឋមន្រ្តីបានមានប្រសាសន៍ថា វប្បធម៌ ប្រពៃណីទំនៀមទម្លាប់របស់ខ្មែរយើង កាលពីសម័យមុនៗមានការរីកចម្រើនណាស់ទើបតែត្រូវបានបំផ្លិចបំផ្លាញនៅក្នុងខ្មែរក្រហម ៣ឆ្នាំ ៨ខែ និង២០ថ្ងៃ ដែលបានបំផ្លិចបំផ្លាយស្ទើរគ្មានសល់នូវហេដ្ឋារចនាសម្ព័ន្ធ ព្រះសង្ឃ បញ្ញាវ័ន្ត ប្រជាពលរដ្ឋគ្រប់វ័យត្រូវបានសម្លាប់រង្គាល។ ចំពោះវិស័យព្រះពុទ្ធសាសនាវិញ ក៏ត្រូវបានជាន់ឈ្លីព្រះសង្ឃត្រូវបានចាប់ផ្សឹក វត្តអារាមត្រូវបានបំផ្លាញ ស្ទើទាំងស្រុង។ ក្រោយពីរបបប្រល័យពូជសាសន៍ ប៉ុល ពត ត្រូវបានផ្តួលរំលំនា ថ្ងៃទី៧ មករា១៩៧៩ មកអ្វីៗទាំងអស់ចាប់ផ្តើមមានការរីកចម្រើនលើគ្រប់វិស័យជាបន្តបន្ទាប់ ក្រោមការដឹកនាំរបស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុនដឹកនាំ។ ជាមួយគ្នានោះផងដែរ ឯកឧត្តមទេសរដ្ឋមន្ត្រី សូមសម្តែងនូវការកោតសរសើរ និងវាយតម្លៃខ្ពស់ថ្វាយសម្ដេចព្រះអគ្គាធិការ សម្ដេចព្រះអគ្គាធិការរង ព្រះមន្ត្រីសង្ឃ និងបុគ្គលិក មន្ត្រីរាជការនៃអគ្គាធិការដ្ឋានពុទ្ធិកសិក្សាជាតិ និងលោកសាស្រ្តាចារ្យដែលបានអញ្ជើញមកពីក្រសួងវប្បធម៌និងវិចិត្រសិល្បៈ ដែលបានខិតខំប្រឹងប្រែងរៀបចំការប្រឡងប្រជែង សូត្របាតិមោក្ខ ធម្មទេសនា និងសូត្រធម៌បទ ប្រកបដោយអត្ថន័យ និងអត្ថប្រយោជន៍នេះឡើង គឺដើម្បីថែរក្សាវប្បធម៌ប្រពៃណី លើកតម្លៃព្រះពុទ្ធសាសនា និងផ្ដល់ពានរង្វាន់ជ័យលាភីក្នុងការចូលរួមប្រឡងប្រជែងនៅអគ្គាធិការដ្ឋានពុទ្ធិកសិក្សាជាតិនៃក្រសួងធម្មការនិងសាសនា ។ ទន្ទឹមនឹងនោះដែរ ឯកឧត្តមទេសរដ្ឋមន្រ្តី ក៏បានមានប្រសាសន៍បញ្ជាក់ជូន អំពីគោលនយោបាយឈ្នះៗ របស់ សម្តេចអគ្គមហាសេនាបតីតេជោ ហ៊ុន សែន បាននាំមកឲ្យប្រទេស និងប្រជាជនកម្ពុជា នូវសន្តិភាព និងការអភិវឌ្ឍន៍គ្រប់វិស័យ និងសូមចងចាំថារាជរដ្ឋាភិបាលគោរពសិទ្ធិសេរីភាពខាងជំនឿនិងសាសនាលើកស្ទួយព្រះពុទ្ធសាសនាដែលជាសាសនារបស់រដ្ឋនិងបង្កលក្ខណៈសម្បត្តិល្អដល់សកម្មភាពនៃសាសនាផ្សេងៗទៀត ដោយផ្អែកលើមូលដ្ឋានថែរក្សាសាមគ្គីរវាងប្រជាជន ស្ថិរភាពនយោបាយនិងសណ្តាប់ធ្នាប់សង្គមដោយរារាំងការរើសអើងនិងការបែងចែកក្នុងសង្គមដែលបណ្តាលមកពីភាពខុសគ្នាខាងជំនឿនិងសាសនា។

ឯកឧត្តមទេសរដ្ឋមន្រ្តីបានផ្តល់អនុសាសន៍មួយចំនួនដូចខាងក្រោម:

១.សូមឱ្យបេក្ខសមណ/បេក្ខជនទាំងអស់ ខិតខំឱ្យអស់ពីសមត្ថភាព ក្នុងការប្រឡងទៅតាមជំនាញដែលបានដាក់ពាក្យប្រឡង ធ្វើយ៉ាងណាឱ្យគណៈមេប្រយោគផ្តល់នូវពិន្ទុដែលបេក្ខសមណ/បេក្ខជនចង់បាន។

២.សូមឱ្យបេក្ខសមណ/បេក្ខជន ចូលរួមប្រឡងទាំងអស់គោរពវិន័យ បទបញ្ជាផ្ទៃក្នុងក្នុងការប្រឡងឱ្យបានល្អ ជៀសវាងបាត់បងឱកាសក្នុងការប្រឡង ដែលធ្វើឱ្យបេក្ខសមណ/បេក្ខជនមានការសោកស្តាយនៅពេលក្រោយ។

៣.សូមគណៈមេប្រយោគរៀបចំការប្រឡង បំពេញការងារដោយគណនេយ្យភាព និងតម្លាភាព និងប្រកាន់ខ្ជាប់នូវវប្បធម៌ស្មោះត្រង់ សីលធម៌ស្អាតស្អំ ស្រឡាញ់យុត្តិធម៌ និងសុភវិនិច្ឆ័យ ស្មារតីរឹងមាំ ជៀសផុតពីនិន្នាការលំអៀង ដោយមនោសញ្ចេតនា ដែលតែងតែដឹកនាំដោយអារម្មណ៍អាក្រក់ក្នុងការវិនិច្ឆ័យលើកការឱ្យពិន្ទុដល់បេក្ខសមណ/បេក្ខជនប្រឡង។

Read more: ឯកឧត្តមទេសរដ្ឋមន្ត្រី បានអញ្ជើញជាអធិបតីក្នុងពិធីបើកការប្រឡងសូត្របាតិមោក្ខ សម្តែងធម៌ទេសនា...

ឯកឧត្តមទេសរដ្ឋមន្រ្តី និងលោកជំទាវ ដឹកនាំគណៈប្រតិភូក្រសួងធម្មការនិងសាសនា គោរពវិញ្ញណក្ខន្ធព្រះសព សម្ដេចរាជបុត្រីព្រះរៀម នរោត្តម បុប្ផាទេវី

រសៀលថ្ងៃព្រហស្បតិ៍ ១០រោច ខែកក្តិក ឆ្នាំកុរ ឯកស័ក ពស ២៥៦៣ ត្រូវនឹងថ្ងៃទី២០ ខែវិច្ឆិកា ឆ្នាំ២០១៩ ឯកឧត្តម ហ៊ឹម ឆែម ទេសរដ្ឋមន្រ្តី រដ្ឋមន្រ្តីក្រសួងធម្មការនិងសាសនា និងលោកជំទាវ ព្រមទាំងឯកឧត្តម   លោកជំទាវ រដ្ឋលេខាធិការ អនុរដ្ឋលេខាធិការ នាយកខុទ្ទកាល័យអគ្គនាយក បានអញ្ជើញគោរពវិញ្ញាណក្ខន្ធព្រះសពសម្ដេច រាជបុត្រីព្រះរៀម នរោត្តម បុប្ផាទេវី ឧត្តមប្រឹក្សាផ្ទាល់ព្រះមហាក្សត្រ សមាជិកាក្រុមប្រឹក្សាធម្មនុញ្ញ អតីតសមាជិកាព្រឹទ្ធសភា និងជាអតីតរដ្ឋមន្រ្តីក្រសួងវប្បធម៍និងវិចិត្រសិល្បៈ ដែលបានសោយព្រះពិរាល័យកាលពីវេលាម៉ោង១២.៣០នាទីថ្ងៃត្រង់ ថ្ងៃចន្ទ ៧រោច ខែកក្ដិក ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៨ ខែវិច្ឆិកា ឆ្នាំ២០១៩ ក្នុងព្រះជន្មាយុ ៧៧ព្រះវស្សា ដោយព្រះរោគាពាធ ។ ការបាត់បង់ សម្តេចរាជបុត្រីព្រះរៀម គឺជាការបាត់បង់ដ៏ធំធេងបំផុតនូវតួអង្គពហុជំនាញក្នុងវិស័យ វប្បធម៌ អរិយធម៌ជាតិខ្មែរ និងជាការបាត់បង់ឥស្សរជនខ្មែរដ៏ឆ្នើមមួយអង្គ ដែលបានលះបង់ព្រះបញ្ញាញាណ និងព្រះកាយពលពេញមួយព្រះជន្ម ដើម្បីការពារ ថែរក្សា និងអភិវឌ្ឍន៍សិល្បៈ វប្បធម៍ ប្រពៃណីជាតិខ្មែរ ។ ទូលព្រះបង្គំយើងខ្ញុំសូមក្រាបបង្គំចូលរួមរំលែកនូវព្រះមរណទុក្ខជាមួយ សម្តេចព្រះមហាក្សត្រី ព្រះវររាជមាតាជាតិខ្មែរ និង ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ព្រមទាំងព្រះញាតិវង្សានុវង្សទាំងអស់ ដោយសេចក្តីសោកស្តាយអាឡោះអាល័យជាទីបំផុត ។ ទូលព្រះបង្គំយើងខ្ញុំ សូមឧទ្ទិសថ្វាយព្រះរាជកុសលដល់ដួងវិញ្ញាណក្ខន្ធរបស់សម្ដេចរាជបុត្រីព្រះរៀម នរោត្តម បុប្ផាទេវី  សូមបានយាងទៅសោយសុខក្នុងឋានព្រះបរមសុខជានិច្ចនិរន្តរ៍តរៀងទៅ៕

Read more: ឯកឧត្តមទេសរដ្ឋមន្រ្តី និងលោកជំទាវ ដឹកនាំគណៈប្រតិភូក្រសួងធម្មការនិងសាសនា គោរពវិញ្ញណក្ខន្ធព្រះសព...

ដ្ឋមន្រ្តីក្រសួងធម្មការនិងសាសនា បានអនុញ្ញាតឱ្យឯកឧត្តម ខាមមាញ់ សូវីឡឺត អនុរដ្ឋមន្រ្តីក្រសួងផ្ទៃ នៃសាធារណរដ្ឋប្រជាធិបតេយ្យប្រជាមានិតឡាវ បានដឹកនាំគណៈប្រតិភូ ចូលជួបសម្តែងការគួរសម និងពិភាក្សាការងារលើកិច្ចសហប្រតិបត្តិការពង្រឹង និងពង្រីកសកម្មភាពសាសនា

ទីស្តីការក្រសួងៈព្រឹកថ្ងៃ ព្រហស្បតិ៍ ១០ រោច ខែកក្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ២១ ខែវិច្ឆិកា ឆ្នាំ ២០១៩ ឯកឧត្តម ហ៊ឹម ឆែម ទេសរដ្ឋមន្ត្រី រដ្ឋមន្រ្តីក្រសួងធម្មការនិងសាសនា បានអនុញ្ញាតឱ្យឯកឧត្តម ខាមមាញ់ សូវីឡឺត អនុរដ្ឋមន្រ្តីក្រសួងផ្ទៃក្នុង នៃសាធារណរដ្ឋប្រជាធិបតេយ្យប្រជាមានិតឡាវបានដឹកនាំគណៈប្រតិភូ ចូលជួបសម្តែងការគួរសម និងពិភាក្សាការងារលើកិច្ចសហប្រតិបត្តិការពង្រឹង និងពង្រីកសកម្មភាពសាសនា ដែលជាប្រយោជន៍ឆ្លើយតបតាមសេចក្តីត្រូវការជាអាទិភាពរបស់ក្រសួង និងក្នុងស្មារតីលើកកម្ពស់គោលនយោបាយសុខដុមនីយកម្មសាសនានៅកម្ពុជា ។

Read more: ដ្ឋមន្រ្តីក្រសួងធម្មការនិងសាសនា បានអនុញ្ញាតឱ្យឯកឧត្តម ខាមមាញ់ សូវីឡឺត អនុរដ្ឋមន្រ្តីក្រសួងផ្ទៃ...

Flag Counter