ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា និងលោកជំទាវ ព្រមទាំងថ្នាក់ដឹកនាំ មន្ត្រីរាជការទាំងអស់នៃក្រសួងធម្មការ និងសាសនា សូមគោរពផ្ញើសារលិខិតជូនពរ ឯកឧត្តមកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ដ្រីប្រចាំការ រដ្ឋមន្ដ្រីទទួលបន្ទុកទីស្ដីការគណៈរដ្ឋមន្ត្រី ជាទីគោរពដ៏ខ្ពង់ខ្ពស់ក្នុងឱកាសចម្រើនជន្មាយុគម្រប់ ៧២ឆ្នាំ ឈានចូល ៧៣ឆ្នាំ៕
រសៀលថ្ងៃអង្គារ ៤រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែសីហា ឆ្នាំ២០២២ ឯកឧត្តម នរៈ រតនវឌ្ឍនោ រដ្ឋលេខាធិការតំណាងដ៏ខ្ពង់ខ្ពស់ឯកឧត្តម ឈិត សុខុន រដ្ឋមន្រ្តីក្រសួងធម្មការ និងសាសនា បានអញ្ជើញជាអធិបតីក្នុងកម្មវិធីសិក្ខាសាលាទស្សនាទានព្រះពុទ្ធសាសនា និងពង្រឹងការផ្សព្វផ្សាយព្រះធម៌លើកទី៥ ដែលមានការនិមន្ត-អញ្ជើញចូលរួមពី ឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង ប្រធាននាយកដ្ឋាន គ្រូឧទ្ទេសាចារ្យ និងមានសិក្ខាកាមបានចូលមកសិក្សាសរុបចំនួនចំនួន ១០០ អង្គ/នាក់ នៅទីស្ដីការក្រសួង។
ឆ្លៀតក្នុងឱកាសនោះផងដែរ ក្នុងនាមឯកឧត្តមរដ្ឋមន្រ្តី និងក្នុងនាមឯកឧត្តមរដ្ឋលេខាធិការផ្ទាល់ សូមកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្រ្តីរាជការ នៃក្រសួងធម្មការ និងសាសនា ជាពិសេសនាយកដ្ឋានជំនាញ ព្រមទាំងអង្គភាពពាក់ព័ន្ធ ចំពោះការខិតខំប្រឹងប្រែងយកចិត្តទុកដាក់ បង្កើតឱ្យមានការវិវឌ្ឍ និងរីកចម្រើនថ្មីៗ បន្ថែមទៀត ទាក់ទងទៅនឹងការអប់រំយុវជន អំពីសីលធម៌ ចរិយាធម៌ គុណធម៌តាមបែបព្រះពុទ្ធសាសនា ឱ្យស្គាល់ពីគុណមាតាបិតា គុណគ្រូ ឱ្យជៀសផុតពីការប្រើប្រាស់គ្រឿងញៀនជាដើម និងការពង្រឹងការគ្រប់គ្រងផ្សព្វផ្សាយព្រះធម៌តាមប្រព័ន្ធផ្សព្វផ្សាយនានា សំដៅរួមចំណែកកសាងធនធានមនុស្ស និងលើកស្ទួយវិសយព្រះពុទ្ធសាសនា ដែលជាសាសនារបស់រដ្ឋ។
ទន្ទឹមនឹងនោះផងដែរ ឯកឧត្តមរដ្ឋលេខាធិការ សូមសំណូមពរព្រះតេជព្រះគុណគ្រប់ព្រះអង្គ សូមព្រះមេត្តាយកចំណេះដឹង និងបទពិសោធន៍ដែលទទួលបានពីការចូលរួមសិក្ខាសាលានេះ និងចំណេះដឹងដែលមានស្រាប់ទៅធ្វើការផ្សព្វផ្សាយ អប់រំ ដល់ពុទ្ធបរិស័ទ ពិសេសយុវវ័យ ឱ្យយល់ដឹងទាំងច្បាប់រដ្ឋ និងច្បាប់សាសនា ធ្វើយ៉ាងណាមានសីលធម៌ សុជីវធម៌ ក្នុងការរស់នៅ ដឹងគុណមាតាបិតា គុណគ្រូ ស្គាល់បុណ្យ ស្គាល់បាប ជៀសផុតពីការសេពគ្រឿងញៀន គ្រឿងស្រវឹង យល់ដឹងពីច្បាប់ចរាចរណ៍ ដើម្បីកាត់បន្ថយគ្រោះថ្នាក់ចរាចរណ៍ជាដើម តាមរយៈការសម្តែងព្រះធម៌ទេសនាក្នុងកម្មវិធីបុណ្យ និងពិធីជួបជុំនានា។
Read more: សិក្ខាសាលាទស្សនាទានព្រះពុទ្ធសាសនា និងពង្រឹងការផ្សព្វផ្សាយព្រះធម៌លើកទី៥
ឯកឧត្តម ឈិត សុខុន និងលោកជំទាវ ព្រមទាំងថ្នាក់ដឹកនាំ មន្ត្រីរាជការទាំងអស់នៃក្រសួងធម្មការ និងសាសនា សូមគោរពផ្ញើលិខិតជូនពរ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ដ្រី និងជារដ្ឋមន្ដ្រីទំនាក់ទំនងរដ្ឋសភា-ព្រឹទ្ធសភា និងអធិការកិច្ច ជាទីគោរពដ៏ខ្ពង់ខ្ពស់ក្នុងឱកាសចម្រើនជន្មាយុគម្រប់ ៦៩ឆ្នាំ ឈានចូល ៧០ឆ្នាំ៕
