ព្រឹកថ្ងៃចន្ទ ៧រោច ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ១៣ ខែមីនា ឆ្នាំ ២០២៣ ឯកឧត្តម ឈិត សុខុន រដ្ឋមន្រ្តីក្រសួងធម្មការ និងសាសនា បានអនុញ្ញាតឱ្យគណៈប្រតិភូសមាគមក្រុមប្រឹក្សាអភិវឌ្ឍន៍សេដ្ឋកិច្ចកម្ពុជា ដឹកនាំដោយ លោក ហូននី មូ ( JOHNNY MO ) ប្រធាននាយកដ្ឋានអភិវឌ្ឍន៍យុវជន នៃសមាគមក្រុមប្រឹក្សាអភិវឌ្ឍន៍សេដ្ឋកិច្ចកម្ពុជា-ចិនចូលរួមសម្តែងការគួរសម និងពិភាក្សាការងារនៅទីស្តីការក្រសួង។
សូមគោរពនិមន្ត និងអញ្ជើញចូលរួមស្ដាប់បាឋកថាប្រចាំខែមីនា ឆ្នាំ២០២៣ ក្រោមប្រធានបទ «សិប្បកម្មប្រពៃណីក្នុងសង្គមខ្មែរ» ដោយលោក ហ៊ួន សាវង, មន្រ្តីក្រសួងវប្បធម៌និងវិចិត្រសិល្បៈ នាថ្ងៃសុក្រ ទី១៧ ខែមីនា ឆ្នាំ២០២៣ វេលាម៉ោង៩:០០នាទីព្រឹក។
ខ្លឹមសារ
សិប្បកម្មប្រពៃណី គឺជាកិច្ចការហត្ថកម្មប្រកបដោយសិល្បៈ និងការច្នៃប្រឌិតដែលតាមគ្រួសារក្នុងភូមិខ្លះតែងផលិត ដើម្បីប្រើប្រាស់និងដោះដូរជំនួយសេដ្ឋកិច្ចគ្រួសារ។ វត្ថុទាំងឡាយនោះមានច្រើនរាប់មិនអស់ដូចជា តម្បាញសូត្រ អំបោះ រពាក់ ឫស្សី ស្មូន ដាប់ស្បែក ដំដែក ឆ្លាក់ឈើ និងថ្ម ។ល។ ហើយភាគច្រើនកើតពីចំណេះរៀនសូត្របន្តគ្នាក្នុងគ្រួសារ ឬក្នុងភូមិ។ មិនតែប៉ុណ្ណោះ សិប្បកម្មប្រពៃណីក៏រាប់បានថាជា “មត៌កវប្បធម៌អរូបី” ដែលជាអត្តសញ្ញាណជាតិ និងត្រូវការថែរក្សាការពារផងដែរ។ ថ្មីៗនេះ រាជរដ្ឋាភិបាលបានចាត់ទុកវិជ្ជាទាំងនោះគឺជា “វិជ្ជាជីវៈដូនតា” ឬ “ជំនាញដូនតា” ដែលត្រូវបញ្ចូលក្នុងកម្មវិធីបណ្តុះបណ្តាលវិជ្ជាជីវៈដល់យុវជន។
សូមចូលរួមបាឋកថាតាម Google Meet តាមរយៈការស្កេន QR កូដដែលមាននៅលើបណ្ណប្រកាសនោះ ព្រមទាំងមានផ្សាយផ្ទាល់លើផេកហ្វេសប៊ុកពុទ្ធសាសនបណ្ឌិត្យ។ សូមអរព្រះគុណ និងអរគុណ
កាលពីព្រឹកថ្ងៃព្រហស្បតិ៍ ទី០២ ខែមីនា ឆ្នាំ ២០២៣ មន្ត្រីបុគ្គលិកជានារីរបស់ ពុទ្ធសាសនបណ្ឌិត្យ បាន ចូលរួមកម្មវិធីទិវា អន្តរជាតិនារី៨មីនា នៅក្រសួងធម្មការ និង សាសនា ក្រោមមូលបទ «ស្ត្រីរួមគ្នារក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល» ក្រោមអធីបតីភាពដ៏ខ្ពង់ខ្ពស់ឯកឧត្ដម ឈិត សុខុន រដ្ឋមន្ត្រីក្រសួងធម្មការនិង សាសនា។
