ពុទ្ធសាសនបណ្ឌិត្យ

វិធី​ប្រណិប័តន៍​ក្នុង​ព្រះ​ពុទ្ធ​សាសនា

សូមគោរពនិមន្តនិងអញ្ជើញចូលរួមស្ដាប់បាឋកថាប្រចាំខែកញ្ញាឆ្នាំ២០១៩ ក្រោមប្រធានបទ «វិធីប្រណិប័តន៍ក្នុងព្រះពុទ្ធសាសនា» នៅថ្ងៃពុធ ទី២៥ ខែកញ្ញា វេលាម៉ោង៩:០០នាទីព្រឹក នៅក្នុងសាលប្រជុំពុទ្ធសាសនបណ្ឌិត្យ ដោយឯកឧត្ដមឧទ្ទេសាចារ្យ ញាណ ភឿន រដ្ឋលេខាធិការ ក្រសួងធម្មការ និងសាសនា។ សូមជួយផ្សព្វផ្សាយបន្តដោយអនុគ្រោះ។

សូមអរព្រះគុណ និងអរគុណ

***ចូលរួមដោយសេរី***

ពិធីបិទវគ្គបណ្តុះបណ្តាលស្តីពីតួនាទី ភារកិច្ច និងក្រមសីលធម៌អាចារ្យខ្មែរជំនាន់ទី៣៣

ទីស្តីការក្រសួងៈ រសៀលថ្ងៃចន្ទ ១១កើត ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ៩ ខែកញ្ញា ឆ្នាំ ២០១៩ ឯកឧត្តម ហ៊ឹម ឆែម ទេសរដ្ឋមន្រ្តី រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពីតួនាទី ភារកិច្ច និងក្រមសីលធម៌អាចារ្យខ្មែរ លើកទី៣៣ ដែល មានសិក្ខាកាមសរុបចំនួនចំនួន ១៨២ អង្គ/នាក់ ។ ក្នុងនាមក្រសួងធម្មការ និងសាសនា ឯកឧត្តមទេសរដ្ឋមន្ត្រីសូមចូលរួមអបអរសាទរ និងសូមសម្តែងនូវការកោតសរសើរដោយស្មោះចំពោះសិក្ខាកាមអាចារ្យទាំងអស់ ដែលបានបញ្ចប់វគ្គបណ្តុះបណ្តាល ដ៏មានសារៈសំខាន់នេះ ។ កិច្ចការនេះ គឺជាសក្ខីភាពយ៉ាងប្រត្យក្ស នៃការខិតខំប្រឹងប្រែងតស៊ូសិក្សា រៀនសូត្រ ក្រេបជញ្ជក់នូវរាល់មុខវិជ្ជាទាំងឡាយ ដើម្បីបំពេញបន្ថែមនូវចំណេះដឹង ក្នុងរយៈពេល០៧ថ្ងៃដ៏មានតម្លៃរបស់អាចារ្យទាំងអស់ផងដែរ។ឆ្លៀតក្នុងឱកាសនេះផងដែរ ឯកឧត្តមទេសរដ្ឋមន្ត្រីបានកោតសរសើរដោយស្មោះ ចំពោះថ្នាក់ដឹកនាំនិងមន្ត្រីរាជការនៃក្រសួងធម្មការ និងសាសនា ក៏ដូចជានាយកដ្ឋានស្រាវជ្រាវផ្សព្វផ្សាយព្រះពុទ្ធសាសនាផ្សារភ្ជាប់សង្គម និងអង្គភាពពាក់ព័ន្ធ ដែលមានការយកចិត្តទុកដាក់ និងឆន្ទៈមុះមុតរបស់ឧទ្ទេសាចារ្យ ដែលមានបទពិសោធន៍ និងចំណេះដឹងពីក្រសួងធម្មការនិងសាសនា, ក្រសួងវប្បធម៌ និងវិចិត្រសិល្បៈ និងក្រសួងព័ត៌មាន ដែលខំប្រឹងប្រែងយកចិត្តទុកដាក់ក្នុងការបំពេញការងាររបស់ខ្លួន ប្រកបដោយប្រសិទ្ធភាពខ្ពស់ ក្នុងការបង្ហាត់បង្រៀន ដើម្បីបំពេញបន្ថែមនូវចំណេះដឹងដល់សិក្ខាកាមអាចារ្យ សំដៅរួមចំណែកកសាងធនធានមនុស្ស និងលើកស្ទួយវិស័យវប្បធម៌របស់ជាតិយើង ដើម្បីតម្រង់ទិសក្នុងការរៀបចំពិធីមង្គល និងពិធីបុណ្យផ្សេងៗ រហូត ដល់ទទួលបាននូវសមិទ្ធផលដ៏ត្រចះត្រចង់គួរជាទីមោទន ។ ទន្ទឹមនឹងនេះឯកឧត្តមទេសរដ្ឋមន្រ្តី ក៏បានមានប្រសាសន៍បញ្ជាក់ជូន អំពីគោលនយោបាយឈ្នះៗ របស់សម្តេចអគ្គមហាសេនាបតីតេជោ ហ៊ុន សែន បាននាំមកឲ្យប្រទេស និងប្រជាជនកម្ពុជា នូវសន្តិភាព និងការអភិវឌ្ឍន៍គ្រប់វិស័យ និងសូមចងចាំថារាជរដ្ឋាភិបាលគោរពសិទ្ធិសេរីភាពខាងជំនឿនិងសាសនាលើកស្ទួយព្រះពុទ្ធសាសនា ដែលជាសាសនារបស់រដ្ឋនិងបង្កលក្ខណៈសម្បត្តិល្អដល់សកម្មភាពនៃសាសនាផ្សេងៗទៀតដោយផ្អែកលើមូលដ្ឋានថែរក្សាសាមគ្គីរវាងប្រជាជន ស្ថិរភាពនយោបាយនិងសណ្តាប់ធ្នាប់សង្គមដោយរារាំងការរើសអើងនិងការបែងចែកក្នុងសង្គមដែលបណ្តាលមកពីភាពខុសគ្នាខាងជំនឿនិងសាសនា ។ ឯកឧត្តមទេសរដ្ឋមន្ត្រី បានផ្តល់អនុសាសន៍មួយចំនួនដល់សិក្ខាកាមជាអាចារ្យ ដែលបានបញ្ចប់វគ្គបណ្តុះបណ្តាលនេះក្នុងន័យលើកកំពស់ការពង្រឹង ការប្រតិបត្តិនូវប្រពៃណីទំនៀមទម្លាប់ខ្មែរឱ្យបានគត់មត់ ស្របតាមចរន្តហូរចូលនៃសាកលភាវូបនីយកម្ម  និងការអភិវឌ្ឍលើគ្រប់វិស័យដូចខាងក្រោម៖

១-អាចារ្យទាំងអស់ត្រូវមានសាមគ្គីភាព កិច្ចសហការ និងទំនាក់ទំនងល្អជាមួយនិងគណៈកម្មការវត្ត ចៅអធិការវត្ត ព្រមទាំងព្រះមេគណ     ព្រះអនុគណ មន្ទីរធម្មការ និងសាសនារាជធានី ខេត្ត ក្រុង ស្រុក ខណ្ឌ អាជ្ញាធរមូលដ្ឋាន និងពុទ្ធបរិស័ទមិនប្រកាន់បក្សពួក និង         រើសអើងវណ្ណៈសង្គម។

២-ត្រូវខិតខំថែរក្សា និងអភិរក្សនូវកេរ្តិ៍មរតកវប្បធម៌ព្រះពុទ្ធសាសនា និងប្រពៃណី ទំនៀមទម្លាប់ខ្មែរឱ្យស្ថិតស្ថេរគង់វង់ ធ្វើយ៉ាងណារួម       គ្នា លើកស្ទួយវិស័យព្រះពុទ្ធសាសនាឱ្យបានថ្កុំថ្កើងរុងរឿង។

៣-អាចារ្យទាំងអស់ត្រូវគោរព និងអនុវត្តឱ្យមានប្រសិទ្ធភាពខ្ពស់នូវរាល់លិខិតបទដ្ឋានដែលមានស្រាប់។

៤-ដើម្បីឱ្យស័ក្តសមជាព្រឹទ្ធាចារ្យ ដែលមានបទពិសោធន៍ និងចំណេះដឹងប្រចាំភូមិ ស្រុក សូមអាចារ្យទាំងអស់ត្រូវប្រកាន់នូវសប្បុរសធម៌       ទាំង៧ឱ្យបានខ្ជាប់ខ្ជួន។

៥-អាចារ្យត្រូវបន្តពង្រឹងចំណេះដឹងរបស់ខ្លួន ខិតខំស្រាវជ្រាវគម្ពីរដីការ ក្បួនច្បាប់ របៀបមង្គល និងបុណ្យផ្សេងៗ បន្ថែមទៀត ហើយចង    ក្រងទុកជាឯកសារ ដើម្បីរួមចំណែកក្នុងការកសាងឯកសារគោលរបស់ក្រសួងធម្មការ និងសាសនា ឱ្យកាន់តែមានមូលដ្ឋានច្បាស់លាស់    និងទទួលយកបានទាំងអស់គ្នា បន្សល់ទុកជាប្រយោជន៍សម្រាប់បច្ឆាជន។

៦- ដោយអាចារ្យដើរតួនាទីជាព្រឹទ្ធាចារ្យ ប្រចាំ ស្រុក ភូមិរបស់ខ្លួននោះ អាចារ្យត្រូវជាគំរូក្នុងការគោរពប្រតិបត្តិព្រះពុទ្ធសាសនា ច្បាប់          ទម្លាប់ សីលធម៌ សុជីវធម៌ ទប់ស្កាត់អំពើហឹង្សាក្នុងគ្រួសារ និងឈានមុខក្នុងការចូលរួមចំណែកអភិវឌ្ឍសង្គម ដើម្បីបង្ហាញជាគម្រូល្អ        ដល់យុវជនជំនាន់ក្រោយរបស់យើង។

៧-ដើម្បីឱ្យប្រជាពលរដ្ឋគោរព ក្នុងឋានៈជាចាស់ព្រឹទ្ធាចារ្យ អាចារ្យទាំងអស់ត្រូវគោរពតួនាទី ភារកិច្ច និងក្រមសីលធម៌អាចារ្យឱ្យបាន          ត្រឹមត្រូវតាមក្បួនតម្រា ដើម្បីដឹកនាំកិច្ចរបៀបមង្គល និងបុណ្យផ្សេងៗ ដោយឈរលើមូលដ្ឋានច្បាប់ទម្លាប់ និងភាពប្រាកដប្រជា។

Read more: ពិធីបិទវគ្គបណ្តុះបណ្តាលស្តីពីតួនាទី ភារកិច្ច និងក្រមសីលធម៌អាចារ្យខ្មែរជំនាន់ទី៣៣

ឯកឧត្ដមទេសរដ្ឋមន្ត្រីដឹកនាំមន្ត្រីចុះសាកសួរសុខទុក្ខនៅមជ្ឈមណ្ឌលឱកាសខ្ញុំ

រាជធានីភ្នំពេញៈ ព្រឹកថ្ងៃព្រហស្បតិ៍ ៧កើត ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៥ ខែកញ្ញា ឆ្នាំ២០១៩ ឯកឧត្តម ហ៊ឹម ឆែម ទេសរដ្ឋមន្ត្រី រដ្ឋមន្ត្រីក្រសួងធម្មការនិងសាសនា និងលោកជំទាវ បានអញ្ជើញជាអធិបតីក្នុងពិធីសំណេះសំណាលជាមួយបងប្អូនកំពុងបន្សាបគ្រឿងញៀន នៅមជ្ឈមណ្ឌលឱកាសខ្ញុំ ។ គួរបញ្ជាក់ផងដែរថា ក្នុងចំណោមជនរងគ្រោះទាំងអស់មានអ្នកកាន់សាសនាផ្សេងៗរួមមាន៖

  -ព្រះសាសនាចំនួន ១.៨១៦នាក់ ក្នុងនោះស្រ្តី១១៥នាក់

  -សាសនាអ៊ីស្លាមចំនួន៦៤នាក់

  -សាសនាគ្រឹះចំនួន ២៤នាក់ ក្នុងនោះស្រ្តី២នាក់។

ជាមួយគ្នានេះដែរ ឯកឧត្តមទេសរដ្ឋមន្រ្តី បានពាំនាំនូវការផ្តាំផ្ញើសួរសុខទុក្ខ និងការនឹករលឹកពីសម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចទាំងតែងតែគិតគូរ និងយកចិត្តទុកដាក់ជានិច្ច ចំពោះប្រជាពលរដ្ឋនៅទូទាំងព្រះរាជាណាចក្រកម្ពុជា ជាពិសេសបងប្អូន ដែលកំពុងបន្សាបគ្រឿងញៀននៅទីនេះផងដែរ។ 

តាមរយៈរបាយការណ៍លោកស្រី មុំ ចាន់ដានី ប្រធានមជ្ឈមណ្ឌលឱកាសខ្ញុំ ឯកឧត្តមទេសរដ្ឋមន្រ្តី បានកោតសរសើរ និងវាយតម្លៃខ្ពស់ចំពោះមន្រ្តីរាជការ បុគ្គលិក សាលារាជធានីភ្នំពេញ ជាពិសេសលោកស្រី មុំ ចាន់ដានី ប្រធានមជ្ឈមណ្ឌលឱកាសខ្ញុំ  និងបុគ្គលិកទាំងអស់ព្រមទាំងអង្គភាពពាក់ព័ន្ធ ដែលបានសហការគ្នាក្នុងការរៀបចំពិធីសំណេះសំណាលនេះ បានយ៉ាងល្អប្រសើរ និងអធិកអធមគួរជាទីមោទនៈ ។ 

ឯកឧត្តមទេសរដ្ឋមន្រ្តី បានមានប្រសាសន៍ថា ក្នុងគោលបំណងបង្ការ ទប់ស្កាត់ បង្រ្កាប និងដោះស្រាយឱ្យកាន់តែមានប្រសិទ្ធភាពនូវរាល់បញ្ហា ដែលមានការពាក់ព័ន្ធនឹងគ្រឿងញៀន ក៏ដូចជាដើម្បីរក្សាសន្តិសុខ សណ្តាប់ធ្នាប់សាធារណៈ និងការអភិវឌ្ឍជូនប្រជាជន និងសង្គមជាតិ រាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិតដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងអាជ្ញាធរជាតិប្រយុទ្ធប្រឆាំងគ្រឿងញៀន បានយកចិត្តទុកដាក់ដឹកនាំសម្របសម្រួល និងអនុវត្តប្រកបដោយការទទួលខុសត្រូវនូវផែនការយុទ្ធសាស្រ្តជាតិ ស្តីពីការត្រួតពិនិត្យគ្រឿងញៀន និងផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៤ ។ ក្នុងនាមក្រសួងធម្មការនិងសាសនា ឯកឧត្តមទេសរដ្ឋមន្រ្តី បានផ្តល់អនុសាសន៍មួយចំនួនដូចខាងក្រោម៖

១-សូមឱ្យមន្រ្តីអនុវត្តច្បាប់គ្រប់លំដាប់ថ្នាក់ត្រូវអនុវត្តឱ្យបានម៉ឺងម៉ាត់ចំពោះបទល្មើសគ្រឿងញៀនទាំងឡាយដើម្បីធ្វើយ៉ាងណាលុបបំបាត់ ការប្រើប្រាស់ និងការជួញដូរគ្រឿងញៀនតាមគ្រប់រូបភាពនៅព្រះរាជាណាចក្រកម្ពុជា។

២-សូមឱ្យប្រជាពលរដ្ឋកម្ពុជាទាំងអស់ ចូលរួមគោរពច្បាប់ស្តីពីការប្រឆាំងនឹងការជួញដូរ និងគ្រឿងញៀនទាំងអស់គ្នា ព្រមទាំងចូលរួម ទប់ស្កាត់ និងបង្រ្កាបនូវរាល់ទម្រង់នៃការជួញដូរ និងប្រើប្រាស់គ្រឿងញៀនគ្រប់ប្រភេទ។

៣-សូមឱ្យបងប្អូន ដែលកំពុងបន្សាបគ្រឿងញៀនទាំងអស់ កែប្រែខ្ឡួនទៅជាមនុស្សល្អសម្រាប់គ្រួសារ និងសង្គមជាតិ ព្រមទាំងចូលរួមផ្សព្វផ្សាយដល់អ្នកផ្សេងទៀត អំពីគុណវិបត្តិនៃការប្រើប្រាស់គ្រឿងញៀនឱពួកគេបានយល់ដឹង។

៤-សូមឱ្យបងប្អូន ដែលកំពុងបន្សាបគ្រឿងញៀនទាំងអស់ ខិតខំសិក្សាវិជ្ជាជីវៈដែលមជ្ឈមណ្ឌលបានបង្រៀន ដើម្បីទទួលបាននូវមុខរបរ សុច្ចរិតមួយ សម្រាប់ចិញ្ចឹមជីវិតនៅថ្ងៃអនាគត។

Read more: ឯកឧត្ដមទេសរដ្ឋមន្ត្រីដឹកនាំមន្ត្រីចុះសាកសួរសុខទុក្ខនៅមជ្ឈមណ្ឌលឱកាសខ្ញុំ

Flag Counter