ពង្សាវតារខ្មែរនៅវត្តប្រើសមាស ខេត្តកំពង់ចាម
ពង្សាវតារខ្មែរ
១- នេះក្បួនសាវតារស្ដេចខ្មែរ ចារប្រគេនព្រះអង្គព្រះគុណជាអម្ចាស់លើត្បូងសិរិសារ ចារ ទុក តំណរព្រះ សាសនាឱ្យគ្រប់ ៥០០០ ព្រះវស្សាហោង ។ ព្រះនិព្វានប្បច្ចយោ ហោន្ដុ ចប់ហើយ។នេះក្បួនសាវតារលោក... ចារចប់ នៅថ្ងៃពុធ ᧽២ (១៣រោច ខែបុស្ស )ឆ្នាំមមី នក្ខតាសំរិទ្ធិស័ក ចូលក្នុងមហន្ដរដូវ ត្រូវនឹងថ្ងៃ ៩ ខែអូត ឆ្នាំ ១៩១១ ព្រះពុទ្ធសករាជ ព្រះសាសនា អតិក្កន្ដា កន្លងរំលងទៅហើយបាន ២៤៦១ ព្រះវស្សា ហោង នេះខ្ញុំសូមប្រាថ្នា សូមសងគុណគ្រូព្រះអាចារ្យ មាតាបិតា នូវ ញាតិកា ទាំង ៧ សន្ដានហោង ខ្ញុំសូម... ក៏តបទៅនឹងអ្នកជាមេបាលោក ទូន្មានថា ប្រដៅពុំបាន នូវគ្រូ អាចារ្យកុំឱ្យមានឆ្គង សូម... លោភោ ទោសោ មោហោ អាប់ជរា សំភីណាសូមមាន រូបរាងកាកិច្ច ប្រាថ្នាសូមឈ្នះសព្វសារពើ បាបផង សូមឈ្នះអកុសលកុំ ឲ្យអំពល នូវរោគព្យាធីគ្រប់រោគ ទាំំងអស់ អញខ្ញុំសូមលាកុំឱ្យមានពៀរដិតដល់ខ្ញុំឡើយ សូមចិត្ដល្អកុំឱ្យវីវនិងអកុសល សូមចេតនាថ្លៃថ្លាថ្កើងថ្កល់ សូមបានតែ ផលរួចដល់និព្វាន ដែលតេជ្ជៈខ្ញុំប្រាថ្នាសូមសុំទានព្រះទ្រង់ញាន ទានព្រះសិរីអារ្យសាសនាថ្កើងថ្កាន ខ្ញុំសូមឱ្យ បានបួស និងព្រះសង្ឃជាតិនេះ អញខ្ញុំអាប់ឥតប្រាជ្ញាជាតិទៅ ឯភ្នែកសូមមានប្រាជ្ញាឆ្លាតឆ្លុះប្រក្រតី ពលយល់ធម៌ យល់ អាយល់អស់ ... បច្ចុប្បន្ននូវប្រស្នាគម្ពីរសាស្ដ្រា កុំឱ្យទើសទាស់សល់ត្រង់ណាឡើយ ។
ខាងលើនោះជាអត្ថបទសេចក្ដីផ្ដើមដែលខ្ញុំបាទបានដកស្រង់ពីច្បាប់ពង្សាវតារខ្មែរ សព្វថ្ងៃតម្កល់ទុកនៅវត្តប្រើសមាស ខេត្តកំពង់ចាម ។ តាមដែលអ្នកនិពន្ធបានប្រាប់ អត្ថបទនេះបានចារតាំងតែពីគ្រឹស្តសករាជឆ្នាំ ១៩១១ ដែលគិតរហូតមកដល់សព្វថ្ងៃមានអាយុកាលចំនួន ៩៨ឆ្នាំហើយ ។ វិទ្យាស្ថានកំពង់តែស្វះស្វែងរកថវិកាសម្រាប់បោះពុម្ព ក៏ដូចជាការអភិរក្សតាមប្រព័ន្ធឌីជីតាល់នូវឯកសារទាំងអស់នោះ ។
The above text is the preface which I have extracted from Khmer Pongsavda (Khmer historical text) presently kept in Broeus Meas Pagoda, Kampong Cham province. According to the author, he completed this writing since 1911 (98 years old). The Buddhist Institute is finding fund to support the publication of this work as well as the digitization of all manuscripts in that pagoda.
Any inquiries, Please feel free to contact:
Mr. Sokny SOR
Chief of MCC, the Buddhist Institute
sorsokny@yahoo.com
