ពុទ្ធសាសនបណ្ឌិត្យ

មហាសង្ក្រាន្តឆ្នាំវក អដ្ឋស័កពុទ្ធសករាជ២៥៦០ គ្រិស្តសករាជ២០១៦

មហាសង្ក្រាន្ត
ឆ្នាំវក អដ្ឋស័ក
ចុល្លសករាជ ១៣៧៨ មហាសករាជ ១៩៣៨ ពុទ្ធសករាជ ២៥៦០
គ្រិស្តសករាជ ២០១៦
សុភមស្តុ ! វរមង្គលាជយាតិរេក
ព្រះពុទ្ធសករាជព្រះសាសនា អតិក្កន្តា កន្លងទៅហើយបាន ២៥៥៩ ត្រឹមថ្ងៃ១៥កើត ខែពិសាខ លុះដល់ថ្ងៃ១រោច ខែពិសាខ ឆ្នាំវក អដ្ឋស័ក តទៅចូលពុទ្ធសករាជ ២៥៦០ ។
នឹងគណនាឆ្នាំវកឥឡូវនេះសង្ក្រាន្តចូលមកនៅថ្ងៃពុធ ៧កើត ខែចេត្រ ត្រូវនឹងថ្ងៃទី១៣ ខែមេសា គ.ស.២០១៦ វេលាម៉ោង២០ និង០០នាទី ។ ពេលនោះព្រះអាទិត្យចេញពីមីនរាសីទៅឋិតនៅឯមេសរាសីតាមផ្លូវគោវិថី គឺផ្លូវកណ្ដាលទើបមានទេវធីតាមួយព្រះអង្គជាមគ្គនាយិកាព្រះនាម មណ្ឌាទេវី ជាបុត្រទី៤នៃកបិលមហាព្រហ្ម ទ្រង់គង់នៅចាតុម្មហារាជិកាទ្រង់អម្ពរពណ៌ អន លម្អនូវព្រះកាណ៌ដោយសៀតផ្កា ចម្ប៉ាអភរណៈទ្រង់ពាក់កែវ ពិទូរ្យ ភក្សាហារទ្រង់សោយ សប្បិ ព្រះហស្តស្ដាំទ្រង់ ម្ជុល ព្រះហស្តឆ្វេងទ្រង់ ឈើច្រត់ ទ្រង់គង់ផ្ទំបើកព្រះនេត្រលើខ្នង គទ្រភៈ (សត្វលា) ជាពាហនៈ។ ទើបនាំអស់ទេវបុត្តទេវធីតាទាំងមួយសែនកោដិហោះទៅកាន់គុហាកែវគន្ធមាលីនាទីភ្នំកៃលាសខេត្តហិមពាន្ត ជាទីតម្កល់ទុកនូវព្រះសិរសា កបិលមហាព្រហ្ម ដែលតម្កល់លើពានមាសនាំមកដង្ហែប្រទក្សិណភ្នំព្រះសុមេរុរាជតាមផ្លូវព្រះអាទិត្យចរចំនួន៦០នាទី (២៤ម៉ោង) ។ ទើបនាំយកទៅតម្កល់ទុកកន្លែងដើមវិញ ហើយប្រជុំទេវបុត្រទេវធីតាទាំងមួយសែនកោដិចូលទៅស្រង់ទឹក អនោតត្តមហាស្រះ ដែលមានទឹកហូរចេញពីបំពង់ថ្មកែវ ដែលជាមាត់គោឧសភរាជទាំង៧ ត្រជាក់ក្សេមក្សាន្តព្រះរាជហឫទ័យ ហើយនាំគ្នាចូលទៅសមាទានរក្សាសីលដោយសោមនស្សរីករាយគ្រប់ព្រះអង្គ ក្នុងភគវតីសភាសាលាដែលវិស្សកម្មទេវបុត្រនិមិត្តថ្វាយ ដើម្បីបន្ទោបង់អពមង្គលឱ្យជ្រះស្រឡះហើយចម្រើននូវសិរីសួស្ដី ជ័យមង្គលជន្មាយុយឺនយូរ ដល់ទេវតា និងមនុស្សសត្វផងទាំងឡាយ តាំងពីឆ្នាំថ្មីចូលមកនេះ បានទូលំទូលាយសុខក្សេមក្សាន្តតរៀងទៅ។ ថ្ងៃពុធ ៧កើត ខែចេត្រ ត្រូវនឹងថ្ងៃទី១៣ ខែមេសា គ.ស.២០១៦ វេលាម៉ោង២០ និង០០នាទី ជាថ្ងៃចូលឆ្នាំវក អដ្ឋស័ក (ជាវារៈមហាសង្ក្រាន្ត)។
    ថ្ងៃព្រហស្បតិ៍ ៨កើត ខែចេត្រ ត្រូវនឹងថ្ងៃទី១៤ ខែមេសា គ.ស. ២០១៦ ជាវារៈវ័នបត ។
    ថ្ងៃសុក្រ ៩កើត ខែចេត្រ ត្រូវនឹងថ្ងៃទី១៥ ខែមេសា គ.ស. ២០១៦ ជាវារៈវ័នបត ។
    ថ្ងៃសៅរ៍ ១០កើត ខែចេត្រ ត្រូវនឹងថ្ងៃទី១៦ ខែមេសា គ.ស. ២០១៦ នៅវេលា ម៉ោង០និង២៤នាទី ១២
វិនាទី ជាវារៈឡើងស័ក គម្រប់ជាសង្ក្រាន្តបួនថ្ងៃស្រេចបរិបូណ៌ ចូលជាសកល ឆ្នាំវក អដ្ឋស័ក ចុ.ស. ១៣៧៨ និង ម.ស. ១៩៣៨ តទៅ។

អានបន្ត ៖ មហាសង្ក្រាន្តឆ្នាំវក អដ្ឋស័កពុទ្ធសករាជ២៥៦០ គ្រិស្តសករាជ២០១៦

ផ្សព្វផ្សាយច្បាប់និងនិតិវិធីនៃការគ្រប់គ្រងគ្រីស្ទសាសនានៅកម្ពុជា

ភ្នំពេញៈ គ្រប់អង្គការសមាគមដែលមានចារឹតសាសនាទាំងអស់នៅលើទឹកដីនៃព្រះរាជាណាចក្រកម្ពុជាត្រូវ មក ចុះបញ្ជីនៅក្រសួងធម្មការនិងសាសនាជាដាច់ខាតពីព្រោះច្បាប់អង្គការក្រៅរដ្ឋាភិបាល រដ្ឋសភាជាតិបានអនុមត្តិសម្រេចជាធរមានរួចរាល់ហើយផងដែរ ដូចនេះគ្រប់អង្គការសមាគមចារឹតសាសនាត្រូវបំពេញការងារដោយស្រប ច្បាប់ក្នុងព្រះរាជាណាចក្រកម្ពុជាលើការងារសង្គមកិច្ច

Read more: ផ្សព្វផ្សាយច្បាប់និងនិតិវិធីនៃការគ្រប់គ្រងគ្រីស្ទសាសនានៅកម្ពុជា

លោក មិន ឃិនៈប្រមុខរាជរដ្ឋាភិបាលខិតខំដោះស្រាយតំរូវការ ជូនប្រជាពលរដ្ឋតាមគ្រប់មធ្យោបាយ

 

កំពង់ចាមៈ លោក មិន ឃិន ប្រធានក្រុមការងារចុះជួយមូលដ្ឋានស្រុកកងមាស បានលើកឡើងថា ប្រមុខរាជរដ្ឋាភិបាលកម្ពុជាបានខិតខំដោះស្រាយតំរូវការជូនប្រជាពលរដ្ឋតាមគ្រប់មធ្យោបាយ។ ការលើកឡើងបែបនេះធ្វើឡើងក្នុងឱកាស ដែល លោក មិន ឃិន បានដឹកនាំប្រតិភូអង្គការ ASIA NETWORK នាំអង្ករមកចែកជូនប្រជាពលរដ្ឋចំនួន២០០គ្រួសារ

Read more: លោក មិន ឃិនៈប្រមុខរាជរដ្ឋាភិបាលខិតខំដោះស្រាយតំរូវការ ជូនប្រជាពលរដ្ឋតាមគ្រប់មធ្យោបាយ

គណៈកម្មការចំរុះចុះដោះស្រាយបញ្ចប់អធិករណ៏នៅវត្តខ្ពប

កណ្តាលៈ តាមសំណូមពរពុទ្ធបរិស័ទប្រមាណ២៣៩៦នាក់ ដែលបានស្នើសុំឲ្យមានព្រះសង្ឃគង់នៅដើម្បីបំពេញបុណ្យកុសលតាមប្រពៃណីព្រះពុទ្ធសាសនា និង តាមបទបញ្ជាររបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រសៀលថ្ងៃទី៣០ ខែមករា ឆ្នាំ២០១៥ លោក មិន ឃិន រដ្ឋមន្ត្រីក្រសួងធម្មការនិងសាសនា

 


បានដឹកនាំគណៈកម្មការចំរុះមួយចុះទៅពិនិត្យមើលសំណង់ព្រះវិហារនិងបានដោះស្រាយបញ្ចប់អធិករណ៍នៅវត្តខ្ពប ស្ថិតនៅភូមិសរមាស ឃុំក្រាំងម្កាក់ ស្រុកអង្គស្នួល ខេត្តកណ្តាល ក្រោយពីបានកើតឡើងអស់រយៈពេលមួយឆ្នាំមិនអាចដោះស្រាយបញ្ចប់។

 

គណៈកម្មការចំរុះរួមមានមន្ត្រីជំនាញរបស់ក្រសួងធម្មការនិងសាសនា លោកប្រធានមន្ទីរធម្មការនិងសាសនាខេត្តកណ្តាល អាជ្ញាធរស្រុកអង្គស្នួល អាជ្ញាធរឃុំនិងប្រជាពលរដ្ឋចូលរួមប្រមាណជាង៣០០នាក់។

បើតាមការឲ្យដឹងពីប្រជាពុទ្ធបរិស័ទចំណុះជើងវត្តខ្ពបបានឲ្យដឹងថា កន្លងមកវត្តនេះបានកើតឡើងវិវាទអស់រយៈមួយឆ្នាំកន្លងមកហើយដោយមូលហេតុព្រះចៅអធិការចាស់បានសឹកហើយកើតមានអំពើហិង្សាជាញឹកញាប់ក្នុងការនិមន្តព្រះសង្ឃពីតាមបណ្តាវត្តមួយចំនួនដែលប្រជាពុទ្ធបរិស័ទមិនពេញចិត្តហើយរហូតមកដល់ពេលនេះវត្តមួយនេះត្រូវបានបិទទ្វាដោយឯកឯងនិងបានទុកចោលឲ្យក្លាយជាព្រៃស្មសាន និងថែមទាំងបានធ្វើឲ្យបាត់បង់តម្លៃនៃការគោរពបូជាតាមផ្លូវព្រះពុទ្ធសាសនាដែលជាសាសនារបស់រដ្ឋទៀតផង។

ព្រះពុទ្ធសាសនាឲ្យតម្លៃខ្ពស់ចំពោះមនុស្សទូទៅពុំមានការរើសអើងដោយផ្អែកលើវណ្ណៈពូជសាសន៍ភេទពណ៌សម្បុរឬជំនឿសាសនាឡើយ។ ព្រះពុទ្ធសាសនាជាសាសនាស្រលាញ់សុខសន្តិភាពនិងសុខដុមភាព។

ក្រោយពី លោក មិន ឃិន រដ្ឋមន្ត្រីក្រសួងធម្មការនិងសាសនា បានជួបពិភាក្សាការងារជាមួយព្រះអនុគុណស្រុកអង្គស្នួលនិងសហការីសង្ឃយ៉ាងល្អិតល្អន់រួចមក គណៈកម្មការបានសម្រេចប្រគល់វត្តខ្ពបមកឲ្យក្រសួងធម្មការនិងសាសនាជាអ្នកគ្រប់គ្រង។ បន្ទាប់មកប្រតិភូដឹកនាំដោយ លោក មិន ឃិន បានចុះទៅដល់វត្តខ្ពបដោយផ្ទាល់និងបានជួបជាមួយពុទ្ធបរិស័ទនិងអាជ្ញាធរដែនដីប្រមាណជាងបីរយនាក់ហើយបានទទួលយកតាមការសម្រេចគឺឯកភាព និមន្តព្រះសង្ឃចំនួន៥អង្គមកពីវត្តរវៀងស្ថិតក្នុងស្រុកអង្គស្នួល ខេត្តកណ្តាលមកគង់នៅដើម្បីគ្រប់គ្រងទីអារាមនេះក្នុងបំណងរៀបចំឲ្យមានអាចារ្យគណៈកម្មការវត្តនិងអ្នកថែររក្សាវត្តដោយស្ថិតក្រោមការគ្រប់គ្រងផ្ទាល់របស់ក្រសួងធម្មការនិងសាសនាដើម្បីរួមចំណែកដល់ការអភិវឌ្ឍន៍ជាតិ៕

 

Page 1 of 42

Flag Counter