ព្រឹកថ្ងៃសុក្រ ៦កើត ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៤ ខែតុលា ឆ្នាំ២០១៩ ឯកឧត្តម ហ៊ឹម ឆែម ទេសរដ្ឋមន្រ្តី រដ្ឋមន្រ្តីក្រសួងធម្មការ និងសាសនា បានអញ្ជើញអធិបតីក្នុងពិធីបើកគម្រោងស្រាវជ្រាវ ស្តីពី “កិច្ចសន្ទនាអន្តរជំនឿ-សាសនា ដើម្បីសន្តិភាព និងការអភិវឌ្ឍជានិរន្តរ៍ ក្នុងប្រទេសនៅតាមដងទន្លេមេគង្គ -ឡានឆាង” ដែលមានការយាង និមន្ត អញ្ជើញចូលរួមពីសំណាក់ភ្ញៀវជាតិ អន្តរជាតិចំនួន២៥០អង្គ/នាក់ នៅសណ្ឋាគារសាន់វេ ។ ក្នុងឱកាសនោះ ក្នុងនាមក្រសួងធម្មការនិងសាសនា ឯកឧត្តមទេសរដ្ឋមន្រ្តី សូមសំដែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់គណៈគ្រប់គ្រងគម្រោង លេខាធិការដ្ឋាន និងក្រុមការងារទទួលបន្ទុកសម្របសម្រួល រៀបចំអនុវត្តគម្រោងមូលនិធិកិច្ចសហប្រតិបត្តិការមេគង្គ-ឡានឆាង ឆ្នាំ២០១៩-២០២០ ស្តីពី “កិច្ចសន្ទនាអន្តរជំនឿ-សាសនា ដើម្បីសន្តិភាព និងការអភិ-វឌ្ឍជានិរន្តរ៍ ក្នុងប្រទេសនៅតាមដងទន្លេមេគង្គ-ឡានឆាង” នាពេលនេះ។ទន្ទឹមនឹងនោះ ឯកឧត្តមទេសរដ្ឋមន្រ្តី បានមានប្រសាសន៍ថា៖ ការបើកគម្រោងស្រាវជ្រាវស្តីពី“កិច្ចសន្ទនាអន្តរជំនឿ-សាសនា ដើម្បីសន្តិភាព និងការអភិវឌ្ឍជានិរន្តរ៍ ក្នុងប្រទេសនៅតាមដងទន្លេមេគង្គ-ឡានឆាង” ក្នុងគោលបំណងសំខាន់គឺ ៖
១-ដើម្បីចែករំលែកបទពិសោធន៍ ស្តីពីការគ្រប់គ្រង និងវប្បធម៌អន្តរជំនឿ ដើម្បីសន្តិភាព និងការអភិវឌ្ឍជានិរន្តរ៍ដល់ប្រទេសនានាតាមដងទន្លេមេគង្គ។
២-ដើម្បីជំរុយញការផ្សព្វផ្សាយ ទិវាសប្តាហ៍សុខដុម-នីយកម្មអន្តរជំនឿសាសនាពិភពលោក របស់អង្គការ សហប្រជាជាតិ និងទិវាសាសនាអន្តរជាតិដល់ប្រទេសនានា តាមដងទន្លេមេគង្គ។
៣-ដើម្បីពង្រឹងកិច្ចសហប្រតិបត្តិការ និងសុខដុម- នីយកម្មអន្តរជំនឿឆ្លងកាត់ ប្រទេសនានាតាមដងទន្លេមេគង្គ។
ឆ្លៀតក្នុងឱកាសនោះដែរ ឯកឧត្តមទេសរដ្ឋមន្រ្តី បានមានប្រសាសន៍បន្តថា៖ តាមកម្មវិធីនយោបាយរបស់ រាជរដ្ឋាភិបាលកម្ពុជា ក្រោមការដឹកនាំដោយដ៏ឈ្លាវៃរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានខិតខំពង្រឹង និងពង្រីកកិច្ចសហប្រតិបត្តិការអន្តរជាតិជាមួយពិភពលោកទាំងថ្នាក់តំបន់អាស៊ាន និងអនុតំបន់ទន្លេមេគង្គ ជាពិសេសបានរៀបចំបើក កិច្ចសហប្រតិបត្តិការមេគង្គ-ឡានឆាង ដើម្បីធានាសន្តិភាព និងការអភិវឌ្ឍជានិរន្តន៍លើគ្រប់វិស័យ ក្នុងនោះក៏មានវិស័យ សាសនាផងដែរ ។ សន្តិភាពប្រកបដោយនិរន្តរភាព និងការអភិវឌ្ឍប្រកបដោយចីរភាពយូរអង្វែង ត្រូវតែជាអត្ថិភាព និងដំណើរទៅមុខជាមួយគ្នា គឺយើងមិងអាចមើលរំលងចំណុចទាំងនេះបានទេ ក្នុងពេលដែលភាពមិនច្បាស់លាស់ក្នុងតំបន់ និងពិភពលោក កំពុងផ្លាស់ប្តូរយ៉ាងឆាប់រហ័ស ទាំងផ្នែកនយោបាយ និង សេដ្ឋកិច្ច។ តំបន់ទន្លេមេគង្គយើង នឹងក្លាយជាតំបន់ដែលនឹងត្រូវឆ្លងកាត់ការសាកល្បងជាថ្មីម្តងទៀត ក្នុងកាលទេសៈនេះ យើងមិនត្រូវភ្លេចទេថា នៅក្នុងប្រវត្តិសាស្ត្រកន្លងផុតទៅមិនយូរប៉ុន្មាន តំបន់របស់យើងត្រូវបានបំផ្លិចបំផ្លាញខ្ទេចខ្ទាំដោយសារសង្រ្គាម និងការប្រកួតប្រជែងនៃមនោគមវិជ្ជា ។ កម្ពុជាបានបើកទូលាយនូវសិទ្ធិសេរីភាពខាងជំនឿសាសនា ជូនដល់ប្រជាពលរដ្ឋកម្ពុជាទាំងអស់ដូចដែលមានចែងយ៉ាងច្បាស់នៅក្នុងរដ្ឋធម្មនុញ្ញ នៃព្រះរាជាណាចក្រកម្ពុជា។ ក្នុងស្មារតីនេះ រាជរដ្ឋាភិបាលកម្ពុជាបានផ្តល់តម្លៃយ៉ាងខ្ពស់ដល់វិស័យសាសនាដោយបានដាក់បញ្ចូលវិស័យនេះទៅក្នុងបាវចនារបស់ជាតិគឺ“ជាតិសាសនាព្រះមហាក្សត្រ ” ក្នុងឆន្ទះជំរុញដល់ការរីកចម្រើនទន្ទឹមគ្នា អភិវឌ្ឍរួមគ្នា និងបំពេញឱ្យគ្នាទៅវិញទៅមក។ ដូចដែលយើង ទាំងអស់គ្នាបានដឹងហើយថា វិស័យសាសនបានរួមចំណែក យ៉ាងច្រើនដល់ការអភិវឌ្ឍ និងការរក្សានូវសុខសន្តិភាព សម្រាប់សង្គមជាតិទាំងមូល។
Read more: ឯកឧត្តម ហ៊ឹម ឆែម បានអញ្ជើញអធិបតី ក្នុងពិធី កិច្ចសន្ទនាអន្តរជំនឿ-សាសនា ដើម្បីសន្តិភាព...
ព្រឹកថ្ងៃពុធ ១២រោច ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៥ ខែកញ្ញា ឆ្នាំ២០១៩ ផងដែរ ឯកឧត្តម ហ៊ឹម ឆែម ទេសរដ្ឋមន្ដ្រី រដ្ឋមន្ដ្រីក្រសួងធម្មការនិងសាសនា និង លោកជំទាវ សួស ណារ៉ា ព្រមទាំងបុត្រ និងចៅៗ ក៏បានអញ្ជើញយកចង្ហាន់ទៅងប្រគេនសម្តេចព្រះវនរ័ត ណយ ច្រឹក សម្តេចព្រះសង្ឃនាយរងទី៣ នៃគណ:មហានិកាយ នៃព្រះរាជាណាចក្រកម្ពុជា និងព្រះសង្ឃគង់នៅវត្តច័ន្ទបុរីវង្ស ក្នុងពិធីកាន់បិណ្ឌវេនទី១២ រាជធានីភ្នំពេញ ។ ក្នុងពិធីនោះផងដែរ ក៏មានការអញ្ជើញចូលរួមពីសំណាក់ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ នាយកខុទ្ទកាល័យ អគ្គនាយក ព្រមទាំងមន្រ្តីរាជការក្រោមឱវាទ ក៏បានបូជាទៀនធូបផា្កភ្ញីចំពោះព្រះរតនត្រៃ បង្សុកុលព្រមទាំងបាននាំយកនូវបច្ច័យទេយ្យទានគ្រឿងឧបភោគបរិភោគ ភេសជ្ជៈ ផ្លែឈើជាច្រើនមុខទៅវេរថ្វាយសម្តេច ប្រគេនព្រះសង្ឃ ដើម្បីឧទ្ទិសនូវកុសលជូនទៅដល់វិញ្ញានក្ខ័ន្ធបុព្វការីជនមានមាតាបិតាជីដូនជីតាញាតិការទាំង៧សណ្ដាន ពិសេសដើម្បីឧទ្ទិសដល់ដួងវិញានក្ខ័ន្ធ របស់ឥស្សរជន វីរជន យុទ្ធជន ដែលបានលះបង់ជីវិត ដើម្បីបុព្វហេតុរំដោះជាតិ និងប្រជាជន ពីរបបប្រល័យពូជសាសន៏ ប៉ុលពត ហើយជាពិសេសជាងនេះទៅទៀត គឺប្រជាជនស្លូតត្រង់ ដែលទទួលទុក្ខទារុណកម្មយ៉ាងព្រៃផ្សៃ និងស្លាប់យ៉ាងអយុត្តិធម៌ នៅក្នុងរបបកម្ពុជាប្រជាធិបតេយ្យ ដោយសូមឲ្យដួងវិញាណក្ខ័ន្ធអ្នកទាំងអស់ឲ្យបានទៅកាន់សុគតិភព កុំបីឃ្លៀងឃ្លាតឡើយ ។
Read more: ក្នុងពិធីកាន់បិណ្ឌវេនទី១២ឯកឧត្តមទេសរដ្ឋមន្ដ្រី និងលោកជំទាវ ...
ព្រឹកថ្ងៃព្រហស្បតិ៍ ១៣រោច ខែភទ្របទ ឆ្នាំច ឯកស័ក ព.ស.២៥៦៣ ត្រូវនឹងថ្ងៃទី២៦ ខែកញា ឆ្នាំ២០១៩ ផងដែរ ឯកឧត្តម ហ៊ឹម ឆែម ទេសរដ្ឋមន្ដ្រី រដ្ឋមន្ដ្រីក្រសួងធម្មការនិងសាសនា និង លោកជំទាវ សួស ណារ៉ាព្រមទាំងបុត្រ និងចៅៗ បានអញ្ជើញថ្វាយព្រះពរនិងយកចង្ហាន់ទៅថ្វាយ-ប្រគេនសម្តេចព្រះអភិសិរីសុគន្ធាមហាសង្ឃរាជាធិបតីកិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណ: ធម្មយុត្តិកនិកាយ នៃព្រះរាជាណាចក្រកម្ពុជា និងព្រះសង្ឃគង់នៅវត្តបទុមវតី ក្នុងពិធីកាន់បិណ្ឌវេនទី១៣ រាជធានីភ្នំពេញ ។ ក្នុងពិធីនោះផងដែរ ក៏មានការអញ្ជើញចូលរួមពីសំណាក់ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ នាយកខុទ្ទកាល័យ អគ្គនាយកព្រមទាំងមន្រ្តីរាជការក្រោមឱវាទក៏បានបូជាទៀនធូបផា្កភ្ញីចំពោះព្រះរតនត្រៃ បង្សុកុលព្រមទាំងបាននាំយកនូវបច្ច័យទេយ្យទាន គ្រឿងឧបភោគបរិភោគ ភេសជ្ជៈ ផ្លែឈើជាច្រើនមុខទៅវេរថ្វាយសម្តេច ប្រគេនព្រះសង្ឃ ដើម្បីឧទ្ទិសនូវកុសលជូនទៅដល់វិញ្ញានក្ខ័ន្ធបុព្វការីជនមានមាតាបិតាជីដូនជីតាញាតិការទាំង៧សណ្ដាន ពិសេសដើម្បីឧទ្ទិសដល់ដួងវិញានក្ខ័ន្ធ របស់ឥស្សរជន វីរជន យុទ្ធជន ដែលបានលះបង់ជីវិត ដើម្បីបុព្វហេតុរំដោះជាតិ និងប្រជាជន ពីរបបប្រល័យពូជសាសន៏ ប៉ុលពត ហើយជាពិសេសជាងនេះទៅទៀត គឺប្រជាជនស្លូតត្រង់ ដែលទទួលទុក្ខទារុណកម្មយ៉ាងព្រៃផ្សៃ និងស្លាប់យ៉ាងអយុត្តិធម៌ នៅក្នុងរបបកម្ពុជាប្រជាធិបតេយ្យ ដោយសូមឲ្យដួងវិញាណក្ខ័ន្ធអ្នកទាំងអស់ឲ្យបានទៅកាន់សុគតិភព កុំបីឃ្លៀងឃ្លាតឡើយ ។
Read more: ក្នុងពិធីកាន់បិណ្ឌវេនទី១៣ឯកឧត្តមទេសរដ្ឋមន្ដ្រី និងលោកជំទាវ...