លោក​បណ្ឌិត មុនីឫទ្ធិ បានអញ្ជើញជាវាគ្មិនក្នុង បាឋាកថានៅវិទ្យាស្ថានពុទ្ធសាសនបណ្ឌិត្យ បកស្រាយលើប្រធានបទ ទំនាក់ទំនងវប្បធម៌រវាងកម្ពុជានិងចិន លើការតភ្ជាប់ដួងចិត្តរវាងប្រជាជននិងប្រជាជន

ភ្នំពេញ៖ ព្រឹកថ្ងៃសុក្រ ១២រោច ខែអាសាធ ឆ្នាំជូត ទោស័ក ពុទ្ធសករាជ២៥៦៤ ត្រូវនឹងថ្ងៃទី១៧ ខែកក្កដា ឆ្នាំ២០២០ នៅវិទ្យាស្ថានពុទ្ធសាសនបណ្ឌិត្យ លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន បានអញ្ជើញជាវាគ្មិនបកស្រាយលើប្រធានបទ ទំនាក់ទំនងវប្បធម៌រវាងកម្ពុជានិងចិន លើការតភ្ជាប់ដួងចិត្តរវាងប្រជាជននិងប្រជាជន។ លោកបណ្ឌិតបានរំលេចយ៉ាងច្បាស់តាំងពីបុរេប្រវត្តិរហូតមកដល់បច្ចុប្បន្នថា បើយើងសម្លឹងក្រឡេកទៅកាន់អតីតកាលវិញ ហើយយកភូមិសាស្ត្រ ប្រវត្តិសាស្រ្ត និងវប្បធម៌ខ្មែរដែលបានកត់ត្រាដោយជនជាតិចិនមកលាតត្រដាង យើងនឹងយល់ដឹងអំពីតួនាទីនិងសារសំខាន់រវាងទំនាក់ទំនងប្រជាជននិងប្រជាជននៃប្រជាជាតិយើងទាំងពីរ កម្ពុជានិងចិន។ ជាក់ស្តែង តាំងពីសម័យបុរេប្រវត្តិមក ឧបករណ៍មួយចំនួនត្រូវបានគេជួបប្រទះនឹងក្នុងជីវភាពប្រចាំថ្ងៃរបស់ប្រជាជនកម្ពុជា ដូចជារទេះគោ រទេះសេះ រហាត់ទឹក និងស្គរមហោរធឹកសំរឹទ្ធជាដើម សុទ្ធសឹងមានប្រភពនិងដើមកំណើតផលិតនិងច្នៃប្រឌិតដោយប្រជាជនចិន។ លើសពីនេះ រាជទូតចិនបានចងក្រងនិងកត់ត្រានូវព្រឹត្តការណ៍នានាពីប្រទេសកម្ពុជា និងពីទំនាក់ទំនងរវាងប្រជាជននិងប្រជាជននៃប្រទេសយើងទាំងពីរក្នុងសម័យហ្វូណន និងសម័យអង្គរជាដើម។ ជាមួយគ្នាផងដែរ បើគិតដល់ថ្ងៃទី១៩ ខែកក្កដា ឆ្នាំ២០២០នេះ លោកបណ្ឌិតក៏បានសាទរនឹងសមិទ្ធផលជាច្រើនដែលបានកើតឡើងពីទំនាក់ទំនងការទូតរយៈ៦២ឆ្នាំរវាងព្រះរាជាណាចក្រកម្ពុជានិងសាធារណរដ្ឋប្រជាមានិតចិន។ លើសពីនេះ លោកបណ្ឌិតបានបញ្ជាក់ថា ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រទេសយើងទាំងពីរ កម្ពុជានិងចិន បានប្រែក្លាយពីទំនាក់ទំនងដ៏ជិតស្និទ្ធពីអតីតកាល ទៅជាបច្ច័យដល់ទំនាក់ទំនងដែកថែបនាពេលបច្ចុប្បន្ននិងអនាគត។ ស្ពានទំនាក់ទំនងរវាងប្រជាជនកម្ពុជានិងប្រជាជនចិននាសម័យហ្វូណនបានតភ្ជាប់ប្រជាជាតិនៃប្រទេសយើងទាំងពីរកាន់តែរឹងមាំនិងមានភាពអមតៈ។ បងប្អូនល្អ មិត្តល្អ អ្នកជិតខាងល្អ ដៃគូល្អ គឺជាបុព្វបទដ៏សំខាន់នៃទំនាក់ទំនងរវាងប្រជាជាតិយើងទាំងពីរឱ្យកាន់តែប្រសើរ ដោយពន្លាតពីអតីតកាលមកបច្ចុប្បន្នកាលនិងទៅអនាគត បានលាតសន្ធឹងពីទីក្រុងដល់ជនបទ និងបានសាបព្រោះពីថ្នាក់ដឹកនាំដល់ប្រជាជន។ លោក ឈាន យានកាង (QUAN YANGANG) ប្រធានមជ្ឈមណ្ឌលវប្បធម៌ចិនប្រចាំកម្ពុជាដែលបានចូលរួមស្តាប់បទបាឋកថានេះ បានថ្លែងនូវការដឹងគុណចំពោះថ្នាក់ដឹកនាំក្រសួងធម្មការនិងសាសនានិយាយរួម និងថ្លែងនូវការកោតសរសើរចំពោះថ្នាក់ដឹកនាំ និងមន្ត្រីរាជការនៃវិទ្យាស្ថានពុទ្ធសាសនបណ្ឌិត្យដែលបានបង្ក និងបង្កើតឱកាសដ៏ល្អនេះក្នុងការប្រមូលបាននូវធាតុចូលដ៏សំខាន់នៅក្នុងកិច្ចបង្កើនទំនាក់ទំនងជាប្រពៃណីរវាងប្រជាជាតិនៃប្រទេសយើងទាំងពីរ។ ក្នុងនាមជាអ្នកដែលបានតាមដានយ៉ាងយកចិត្តទុកដាក់លើបាឋកថានេះ ឯកឧត្តម ឈីវ លីម អគ្គលេខាធិការរងនៃអាជ្ញាធរកម្ពុជាគ្រប់គ្រងសកម្មភាពកម្ចាត់មីន និងសង្គ្រោះជនពិការដោយសារមីន បានវាយតម្លៃខ្ពស់ចំពោះគ្រប់អង្គពាក់ព័ន្ធនានាដែលបានសហការគ្នាយ៉ាងល្អប្រសើរក្នុងការចូលរួមជាមួយរាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា លើការពង្រឹងនិងពង្រីកបន្ថែមទៀតនៃទំនាក់ទំនងរវាងប្រជាជននិងប្រជាជននៃប្រទេសយើងទាំងពីរ កម្ពុជានិងចិន។ ថ្លែងបូកសរុបក្នុងកម្មវិធីនេះ លោក ស សុខនី ប្រធានវិទ្យាស្ថានពុទ្ធសាសនបណ្ឌិត្យ បានសាទរនិងបានគាំទ្រដល់បាឋកថានេះ ដោយបានចាប់អារម្មណ៍លើទំនាក់ទំនងដ៏ល្អនៃវិស័យព្រះពុទ្ធសាសនារបស់ចិននិងកម្ពុជានាសម័យហ្វូណន និងទំនាក់ទំនងជាប្រពៃណីរវាងប្រជាជននិងប្រជាជន ហើយបានថ្លែងអំណរគុណដល់លោកបណ្ឌិតដែលបានផ្តល់សៀវភៅចំនួន៤ក្បាលគឺ ១-ពាន់ឆ្នាំនៃទំនាក់ទំនងកម្ពុជា-ចិន ២-ជីវ តាក្វាន់៖ ទឹកដី និងប្រពៃណីអ្នកស្រុកចេនឡា ៣-ទំនាក់ទំនងកម្ពុជា-ចិននាសម័យសម្តេចព្រះ នរោត្តម សីហនុ និង៤-ស៊ី ជីនភីង៖ អភិបាលកិច្ចប្រទេសចិន (ភាគទី១)។ ថ្លែងបិទកម្មវិធីនេះ ឯកឧត្តមបណ្ឌិត ថោ គឿន អនុរដ្ឋលេខាធិការក្រសួងធម្មការនិងសាសនាបានសាទរនឹងសមិទ្ធផលដ៏ធំធេងដែលបានកើតឡើងពីទំនាក់ទំនងរវាងកម្ពុជានិងចិន ផ្អែកលើការការអភិវឌ្ឍជាតិនៅគ្រប់វិស័យ ដែលជាពិសេសគឺការតភ្ជាប់ដួងចិត្តរវាងប្រជាជននិងប្រជាជននៃប្រទេសយើងទាំងពីរ កម្ពុជានិងចិន ហើយឯកឧត្តមបានគាំទ្រនិងលើកទឹកចិត្តដល់កិច្ចសហប្រតិបត្តិការរវាងវិទ្យាស្ថានពុទ្ធសាសនបណ្ឌិត្យនិងមជ្ឈមណ្ឌលវប្បធម៌ចិនប្រចាំកម្ពុជាក្នុងការផ្លាស់ប្តូរបទពិសោធន៍ និងការចែករំលែកពុទ្ធិទៅវិញទៅមកលើវិស័យវប្បធម៌និងការអភិវឌ្ឍធនធានមនុស្ស។

Read more: លោក​បណ្ឌិត មុនីឫទ្ធិ បានអញ្ជើញជាវាគ្មិនក្នុង បាឋាកថានៅវិទ្យាស្ថានពុទ្ធសាសនបណ្ឌិត្យ...

ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានទទួលអំណោយជាអង្ករចំនួន ២.៥តោន របស់ លោកគ្រូគង្វាល គីមប៊ីយុងក្យូ ជាគ្រូគង្វាលព្រះវិហារសំលេងនៃសេចក្ដីសង្ឃឹម និងជានាយកមជ្ឈមណ្ឌលសំលេងនៃសេចក្ដីសង្ឃឹម

ព្រឹកថ្ងៃសុក្រ ១២រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៧ ខែកក្កដា ឆ្នាំ២០២០ ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានទទួលអំណោយជាអង្ករចំនួន ២.៥តោន របស់ លោកគ្រូគង្វាល គីមប៊ីយុងក្យូ ជាគ្រូគង្វាលព្រះវិហារសំលេងនៃសេចក្ដីសង្ឃឹម និងជានាយកមជ្ឈមណ្ឌលសំលេងនៃសេចក្ដីសង្ឃឹម  ដើម្បីយកទៅចែកជូនប្រជាពលរដ្ឋនៅមូលដ្ឋានដែលកំពុងជួបប្រទះនូវវិបត្តិជំងឺកូវីដ-១៩ នៅទីស្ដីការក្រសួង។ថ្លែងក្នុងឱកាសនោះ ឯកឧត្តមរដ្ឋមន្ដ្រី ក៏បានថ្លែងអំណរគុណយ៉ាងជ្រាលជ្រៅចំពោះលោកគ្រូគង្វាល គីមប៊ីយុងក្យូ ព្រមទាំងសហការី ដែលតែងតែបានចូលរួមចំណែកយ៉ាងសកម្មក្នុងវិស័យសាសនាក្នុងការផ្ដល់នូវសម្ភារៈ និងគ្រឿងឧបភោគ បរិភោគ ចំពោះក្រសួងក៏ដូចជាការងារមនុស្សធម៌ផងដែរ។

Read more: ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានទទួលអំណោយជាអង្ករចំនួន ២.៥តោន របស់...

ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអនុញ្ញាតិឱ្យលោក យ៉ូស៊ិណូប៊ូ ឃូម៉ាហ្គាអ៊ិ ប្រធានអង្គការជប៉ុន - អាស៊ីណេតវើក ដឹកនាំគណៈប្រតិភូ ចូលជួបសម្តែងការគួរសម

ព្រឹកថ្ងៃ ពុធ ១០រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៥ ខែកក្កដា ឆ្នាំ២០២០ ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអនុញ្ញាតិឱ្យលោក យ៉ូស៊ិណូប៊ូ ឃូម៉ាហ្គាអ៊ិ ប្រធានអង្គការជប៉ុន - អាស៊ីណេតវើក ដឹកនាំគណៈប្រតិភូចូលជួបសម្តែងការគួរសមនិងប្រគល់នូវថវិកា សម្រាប់ជួយឧបត្ថម្ភដល់ប្រជាពលរដ្ឋទីទាល់ក្រ ដែលជួបវិបត្តិដោយសារការរីករាលដាល នៃជំងឺកូវីដ-១៩ នៅទីស្ដីការក្រសួងធម្មការ និងសាសនា។ នាឱកាសនោះផងដែរ ឯកឧត្តមរដ្ឋមន្រ្តី ក៏បានកោតសរសើរចំពោះប្រទេសជប៉ុនដែលតែងតែជួយដល់ប្រទេសកម្ពុជា និងក្រសួងធម្មការនិងសាសនាគ្រប់កាលៈទេសៈ ។ ក្នុងនោះផងដែរ លោក យ៉ូស៊ិណូប៊ូ ឃូម៉ាហ្គាអ៊ិ ប្រធានអង្គការជប៉ុន - អាស៊ីណេតវើក សូមថ្លែងអំណរគុណយ៉ាងជ្រាលជ្រៅចំពោះ ឯកឧត្តមរដ្ឋមន្រ្តី ដែលតែងតែគាំទ្ររាល់សកម្មភាពរបស់អង្គការជប៉ុន-អាស៊ីណេត វើក និងសូមកោតសរសើរយ៉ាងស្មោះចំពោះរាជរដ្ឋាភិបាលកម្ពុជា និងក្រសួងធម្មការ និងសាសនា ក្នុងការធ្វើឱ្យមានសុខដុមនីយកម្មខាងជំនឿសាសនានៅក្នងព្រះរាជាណាចក្រកម្ពុជា៕

 

Read more: ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអនុញ្ញាតិឱ្យលោក យ៉ូស៊ិណូប៊ូ ឃូម៉ាហ្គាអ៊ិ...

ទំនាក់ទំនងវប្បធម៌រវាងកម្ពុជា-ចិន លើការតភ្ជាប់ដួងចិត្តប្រជាជននិងប្រជាជន

សូមគោរពនិមន្ត និងអញ្ជើញចូលរួមស្ដាប់បាឋកថាប្រចាំខែកក្កដា ឆ្នាំ២០២០ ក្រោមប្រធានបទ «ទំនាក់ទំនងវប្បធម៌រវាងកម្ពុជា-ចិន លើការតភ្ជាប់ដួងចិត្តប្រជាជននិងប្រជាជន» នៅថ្ងៃសុក្រ ទី១៧ ខែកក្កដា វេលាម៉ោង ៩:០០នាទីព្រឹក នៅក្នុងសាលប្រជុំពុទ្ធសាសនបណ្ឌិត្យ ដោយលោកសាស្ត្រាចារ្យបណ្ឌិត ជា មុនីឫទ្ធិ ជាប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន។
 
-តើកម្ពុជា-ចិន មានទំនាក់ទំនងវប្បធម៌ជាមួយគ្នាយ៉ាងណាខ្លះ? ចាប់តាំងពីពេលណាមក? ហើយតើ ទំនាក់ទំនងនេះមានស្ថានភាពយ៉ាងណាដែរនាពេលបច្ចុប្បន្ន?
សូមជួយផ្សព្វផ្សាយបន្តដោយអនុគ្រោះ។
សូមអរព្រះគុណ និងអរគុណ
 
 
 

More Articles...

  1. ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានទទួលអំណោយជាអង្ករពី ឯកឧត្តម សៀ សុភ័ក្រ្ដ រដ្ឋលេខាធិការក្រសួងធម្មការ និងសាសនា នូវអង្ករចំនួន ០៦តោន និងលោក ខាន់ ខុន នាយកសមាគមបេសកកម្មដំណឹងល្អ និងភរិយា ព្រមទាំងសហការី នូវអង្ករចំនួន ០២តោន
  2. ឯកឧត្តម ឈិត សុខុន រដ្ឋមន្រ្តី ក្រសួងធម្មការ និងសាសនា បានអញ្ជើញដឹកនាំកិច្ចប្រជុំស្ដីពីការពិនិត្យលើផែនការយុទ្ធសាស្រ្តថវិកាឆ្នាំ២០២១-២០២៣ និងការពិនិត្យលើការរៀបចំគម្រោងផែនការចំណូល-ចំណាយថវិកាឆ្នាំ២០២១
  3. ឯកឧត្តម ឈិត សុខុន និងលោកជំទាវ បានប្រគេនទៀនចំណាំព្រះវស្សា និងទេយ្យវត្ថុចំពោះព្រះសង្ឃគង់ចាំព្រះវស្សា ចំនួន ១២វត្ត នៅឃុំធ្លាប្រជុំ ឃុំព្រៃខ្លា និងឃុំពេជសារ ស្រុកកោះអណ្តែត ខេត្តតាកែវ
  4. ឯកឧត្តម ឈិត សុខុន រដ្ឋមន្រ្តី ក្រសួងធម្មការ និងសាសនា បានអញ្ជើញដឹកនាំកិច្ចប្រជុំស្ដីពីការបូកសរុបលទ្ធផលការងារប្រចាំ ឆមាសទី១ ឆ្នាំ២០២០ និងលើកទិសដៅអនុវត្តន៍បន្ត

Flag Counter