ពុទ្ធសាសនបណ្ឌិត្យ

លោក មិន ឃិនៈ ធនធានបញ្ញា កើតឡើងពីការសិក្សារៀនសូត្រនិងការស្តាប់ដំបូន្មាន

លោក មិន ឃិន ថ្លែងទៅកាន់សិស្សចូលរួម

ថ្ងៃទី១៣ ខែមិថុនា ឆ្នាំ២០១៥
ភ្នំពេញៈ ដោយមើលឃើញពីការប្រព្រឹត្តខុសឆ្គងនូវទង្វើទាំងឡាយទាំងពួងពីសំណាក់សិស្សានុសិស្ស មួយចំនួននិងក្នុងន័យចង់ទូន្មានប្រៀនប្រដៅពួកគេឲ្យដើរតាមគន្លងព្រះពុទ្ធសាសនាផងនោះ ព្រឹកថ្ងៃទី១៣ ខែមិថុនា ឆ្នាំ២០១៥ សមាគមទ្រទ្រង់ការបោះពុម្ភនិងអប់រំ បានសហការជាមួយក្រសួងធម្មការនិងសាសនារៀបចំកម្មវិធីអប់រំសិស្សានុសិស្សចំនួន១៥០០នាក់ ក្រោមអធិតីភាព លោក មិន ឃិន រដ្ឋមន្ត្រីក្រសួងធម្មការនិងសាសនា ដែលពិធីនេះប្រារព្ធធ្វើនៅបរិវេណវិទ្យាល័យច្បារអំពៅ ស្ថិតក្នុងសង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ។

អានបន្ត៖លោក មិន ឃិនៈ ធនធានបញ្ញា កើតឡើងពីការសិក្សារៀនសូត្រនិងការស្តាប់ដំបូន្មាន

វិស័យពុទ្ធិកសិក្សាចូលរួមចំណែកអភិវឌ្ឍធនធានមនុស្សនិងសង្គមជាតិ

សម្តេច បួរ គ្រី និងលោក មិន ឃិន

ថ្ងៃទី០៥ ខែមិថុនា ឆ្នាំ២០១៥ 
ភ្នំពេញៈ ការអប់រំល្អគឺជាកូនសោដោះស្រាយបញ្ហាសង្គមនិងសេដ្ឋកិច្ចជាតិដូចនេះវិស័យពុទ្ធិកសិក្សាកំពុងដើរលើគន្លងផ្លូវយ៉ាងសំខាន់លើការបណ្តុះបណ្តាលគ្រហស្ថនិងបុព្វជិតទាំងខាងផ្លូវលោក និងទាំងខាងផ្លូវធម៌ គុណធម៌ ចរិយាធម៌ឲ្យបានល្អប្រសើរថ្លៃថ្លាក្នុងការរស់នៅក្នុងសង្គមគ្រួសារនិងសង្គមជាតិ នេះជាការបំពេញបន្ថែមលើភារកិច្ចរបស់រាជរដ្ឋាភិបាល ពិសេសលើវិស័យអប់រំ។ នេះជា ប្រសាសន៍លើកឡើងរបស់ លោក មិន ឃិន រដ្ឋមន្ត្រីក្រសួងធម្មការនិងសាសនា ដែលបានថ្លែងបញ្ជាក់ក្នុងពិធីសំណេះសំណាលជាមួយសមណនិស្សិត និស្សិតនៃពុទ្ធិកសាកលវិទ្យាល័យព្រះសីហមុនីរាជា ស្ថិតក្នុងបរិវេណវត្តស្វាយពពែ សង្កាត់ទន្លេបាសាក់ ខណ្ឌចំការមន កាលពីរសៀលថ្ងៃទី០៤ ខែមិថុនា ឆ្នាំ២០១៥  និងមានព្រះវត្តមានចូលរួមពីសំណាក់សម្តេចព្រះអភិសិរីសុគន្ធាមហាសង្ឃរាជាធិបតីកិតិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជនៃគណៈធម្មយុត្តិកនិកាយ និងជាព្រះសាកលវិទ្យាធិការនៃពុទ្ធិកសាកលវិទ្យាល័យព្រះសីហមុនីរាជា។

អានបន្ត៖វិស័យពុទ្ធិកសិក្សាចូលរួមចំណែកអភិវឌ្ឍធនធានមនុស្សនិងសង្គមជាតិ

អាចារ្យ អាចរិនីខ្មែរជំនាន់ទី២០បានបញ្ចប់ដោយជោគជ័យ

លោករដ្ឋមន្ត្រីមិន ឃិន ប្រគល់លិខិតបញ្ជាក់សិក្សា (កោះសន្តិភាព)

ថ្ងៃទី០៤ ខែមិថុនា ឆ្នាំ២០១៥  

ភ្នំពេញៈ ដើម្បីរក្សាឲ្យបាននូវប្រពៃណីពីបុរាណកាលនិងសម័យកាលនេះឲ្យបានគង់វង្សគឺទាមទាឲ្យមានការចូលរួមយ៉ាងសស្រាក់សស្រាំពីយើងទាំងអស់គ្នា។ ការលើកឡើងបែបនេះស្របពេលដែលអាចារ្យ អាចរិនីទាំង២៩៧អង្គ-នាក់ បានបញ្ចប់ការបណ្តុះបណ្តាលវគ្គតម្រងទិសស្តីពីតួនាទីនិងក្រមសីលធម៌អាចារ្យក្នុងទម្រង់អាពាហ៍ ពិពាហ៍និងពិធីកម្មតាមបែបព្រះពុទ្ធសាសនាដោយជោគជ័យ។ ពិធីទទួលវិញ្ញាបនប័ត្របញ្ជាក់ការសិក្សានេះប្រព្រឹត្តឡើងក្រោមអធិបតីភាព លោក មិន ឃិន រដ្ឋមន្ត្រីក្រសួងធម្មការនិងសាសនានិងលោកស្រីជាភរិយា ងួន ធួន រសៀលថ្ងៃទី០៣ ខែមិថុនា ឆ្នាំ២០១៥។

អានបន្ត៖អាចារ្យ អាចរិនីខ្មែរជំនាន់ទី២០បានបញ្ចប់ដោយជោគជ័យ

ព្រះសង្ឃដែលធ្វើឲ្យមានជំនឿពីពុទ្ធបរិស័ទទាល់តែឈរលើសីល សម្មាធិនិងបញ្ញា

សម្តេច នន្ទ ង៉ែត ឯកឧត្តម មិន ឃិន និងលោកជំទាវជាអធិបតី

ថ្ងៃទី០១ ខែមិថុនា ឆ្នាំ២០១៥

ភ្នំពេញៈ  រាជរដ្ឋាភិបាលនិងពុទ្ធសាសនិកទាំងអស់នៅតែបន្តការពារ និងគោរព ព្រមទាំងលើកស្ទួយព្រះពុទ្ធ សាសនាជាដរាបដោយធ្វើយ៉ាងណាឲ្យកម្លាំងដ៏មានឥទ្ធិពលនៃព្រះពុទ្ធសាសនាបន្តស្ថិតនៅនិងជ្រួតជ្រាបក្នុងក្រអៅបេះដូងប្រជាជនខ្មែរនិងស្ថិតស្ថេរគង់វង្សស្របតាមបាវចនាជាតិ សាសនា ព្រះមហាក្សត្រ ។ នេះជាប្រសាសន៍លើកឡើងរបស់ លោក មិន ឃិន រដ្ឋមន្ត្រីក្រសួងធម្មការនិងសាសនា ក្នុងពិធីប្រកាសតែងតាំងនិងស្រោចព្រះសុគន្ធវារីប្រគេនព្រះអនុគណនិងសហការីសាលាអនុគណខណ្ឌដង្កោដែលប្រារព្ធធ្វើឡើងនាបរិវេណវត្តឧត្តមពោធិព្រឹក្ស ហៅវត្តស្លែង ស្ថិតនៅសង្កាត់ព្រៃស ខណ្ឌដង្កោ រាជធានីភ្នំពេញ រសៀលថ្ងៃទី៣១ ខែឧសភា ឆ្នាំ២០១៥។ 

អានបន្ត៖ព្រះសង្ឃដែលធ្វើឲ្យមានជំនឿពីពុទ្ធបរិស័ទទាល់តែឈរលើសីល សម្មាធិនិងបញ្ញា

Page 1 of 35

Flag Counter